మెగాస్టార్ , మెగా పవర్ స్టార్ హీరోలుగా స్టార్ డైరెక్టర్ కొరటాల శివ రూపొందిస్తోన్న భారీ చిత్రం ‘’. ఈ సినిమాను ఫిబ్రవరి 4న ప్రపంచ వ్యాప్తంగా విడుదల చేస్తామని నిర్మాణ సంస్థలు కొణిదెల ప్రొడక్షన్ కంపెనీ, మ్యాట్నీ ఎంటైర్టైన్మెంట్ ప్రకటించాయి. అంతా బాగానే ఉందని అనుకుంటున్న తరుణంలో కోవిడ్ ప్రభావం పెరుగుతూ రావడంతో థియేటర్స్ పలు రాష్ట్రాల్లో మూసి వేయడం.. లేదా 50 శాతం ఆక్యుపెన్సీతో రన్ చేయడం చేస్తున్నారు. దీంతో భారీ చిత్రాలు, పాన్ ఇండియా చిత్రాలుగా విడుదలకు సిద్ధమైన RRR, రాధే శ్యామ్ వాయిదా పడ్డాయి. ఇంకా పరిస్థితులు కంట్రోల్లోకి రాకపోవడంతో తెలుగు రాష్ట్రాల్లోనూ సంక్రాంతి తర్వాత త్వరలోనే నైట్ కర్ఫ్యూ, 50 శాతం ఆక్యుపెన్సీని ప్రకటించే అవకాశం ఉందనే టాక్ వినిపిస్తోంది. కోవిడ్ పరిస్థితులు దృష్ట్యా ‘ఆచార్య’ సినిమాను కూడా వాయిదా వేస్తున్నట్లు నిర్మాతలు ప్రకటించారు. తదుపరి రిలీజ్ డేట్ ఎప్పుడు ఉంటుందనేది త్వరలోనే చెబుతామంటూ వారు ప్రకటించారు. గత కొన్ని రోజుల నుంచి సోషల్ మీడియాలో ‘ఆచార్య’ రిలీజ్ డేట్పై వార్తలు వినిపిస్తూనే వస్తున్నాయి. ఈరోజు అధికారిక ప్రకటన తర్వాత ఈ వార్తలకు నిజం చేకూర్చినట్లయ్యింది. చిరంజీవి, చరణ్లను సిల్వర్ స్క్రీన్పై చూడాలని ఎదురుచూస్తున్న మెగాభిమానులకు విషయం నిరాశను కలిగించేదే. అయితే కరోనా పరిస్థితుల దృష్ట్యా తప్పడం లేదు. ఈ ఏడాది సమ్మర్లోనే ఆచార్య విడుదలయ్యే అవకాశాలు ఎక్కువగా ఉన్నాయని టాక్ వినిపిస్తోంది. మెసేజ్ ఓరియెంటెడ్ చిత్రాలను కమర్షియల్ పంథాలో చెప్పగలిగే దర్శకుడిగా టాలీవుడ్లో పేరు తెచ్చుకున్న కొరటాల శివ ఈ సినిమాను డైరెక్ట్ చేశారు. దేవాదాయ భూములు అన్యాక్రాంతం కావడంపై చేసే పోరాటం నేపథ్యంలో సాగే చిత్రంగా ‘ఆచార్య’ ను రూపొందించారు. ఇందులో చిరంజీవి, రామ్ చరణ్ ఇద్దరూ నక్సలైట్స్గా కనిపించున్నారు. చిరంజీవి జోడిగా కాజల్ అగర్వాల్ నటిస్తే.. రామ్ చరణ్ జోడిగా పూజా హెగ్డే నటించింది. ఈ సినిమా కోసం కోకాపేటలో ఆసియాలో అతి పెద్దదైన టెంపుల్ సెట్ను వేయడం విశేషం. ఇప్పటి వరకు ఈ సినిమా నుంచి రిలీజ్ అయిన పాటలు, టీజర్ సినిమాపై అంచనాలను భారీగా పెంచాయి. నిరంజన్ రెడ్డి, అన్వేష్ రెడ్డి ఈ సినిమాకు నిర్మాతలు.
from Telugu Movie News | Movie News in Telugu | Movie Gossips in Telugu https://ift.tt/3tKmue7
v
No comments:
Post a Comment