తమిళ సినిమా రీమేక్, అనువాద హక్కులను సొంతం చేసుకున్న స్టార్ ప్రొడ్యూస‌ర్‌.. రానా కోసమేనా?

క్రేజీ సినిమాతో తెలుగు ప్రేక్ష‌కుల‌ను ఆక‌ట్టుకుంటున్న తెలుగు సినిమా మేక‌ర్స్ స్ట్ర‌యిట్ సినిమాలే కాదండోయ్ రీమేక్స్ సినిమాలు చేస్తున్న సంగ‌తి తెలిసిందే. ఇప్పుడు టాలీవుడ్‌లోకి ఓ తమిళ చిత్రం రీమేక్ కానుంది. ఓ ప్ర‌ముఖ నిర్మాణ సంస్థ స‌ద‌రు త‌మిళ సినిమా రీమేక్ హ‌క్కుల‌ను ద‌క్కించుకుంద‌ట‌. ఇంత‌కీ ఆ తెలుగులో రీమేక్ కానున్న ఆ సినిమా ఏద‌నుకుంటున్నారా!.. ‘’. త‌మిళ హీరో శిలంబ‌ర‌స్ అలియాస్ హీరోగా రూపొందిన ‘మానాడు’ సినిమా త‌మిళంలో న‌వంబ‌ర్‌లో విడుద‌లై భారీ విజ‌యాన్ని సాధించింది. వెంక‌ట్ ప్ర‌భు ద‌ర్శ‌కుడు. ఏకంగా శింబు కెరీర్‌లోనే బెస్ట్ హిట్ మూవీగా నిలిచింది. రూ.100 కోట్ల గ్రాస్‌ను కలెక్ట్ చేసిన‌ట్లు ట్రేడ్ వ‌ర్గాలు అంటున్నాయి. పొలిటిక‌ల్ థ్రిల్ల‌ర్ బ్యాక్ డ్రాప్‌లో రూపొందిన ‘మానాడు’ సినిమా తెలుగు రీమేక్ హ‌క్కుల‌ను ద‌క్కించుకున్న తెలుగు ప్రొడ‌క్ష‌న్ హౌస్ ఏదో కాదు.. సురేష్ ప్రొడ‌క్ష‌న్స్‌. దీనికి సంబంధించిన అధికారిక ప్ర‌క‌ట‌న‌ను ఇచ్చేశారు. త‌మిళ అనువాద హ‌క్కుల‌తో పాటు ఇండియాలో అన్నీ భాష‌ల్లోనూ రీమేక్ చేసేలా రైట్స్‌ను ద‌క్కించుకున్నారు. నిజానికి మానాడు సినిమాను తెలుగులో రిలీజ్ చేస్తున్న‌ట్లు ప్ర‌క‌టించారు. ప్ర‌మోష‌న్స్ కూడా చేసుకున్నారు. కానీ చివ‌రి నిమిషంలో తెలుగు రిలీజ్ కాలేదు. త‌మిళంలో భారీ హిట్ కావ‌డానికి కంటే ముందే విషయం తెలుసుకున్న సురేష్ బాబు.. త‌మిళ‌ మేక‌ర్స్ ను సంప్ర‌దించి హ‌క్కుల‌ను ద‌క్కించుకోవ‌డ‌మే అందుకు కార‌ణ‌మ‌ని తెలుస్తోంది. మ‌రి తెలుగులో ‘మానాడు’ సినిమాను ఎవ‌రితో రీమేక్ చేస్తార‌నే దానిపై సురేష్ బాబు క్లారిటీ ఇవ్వ‌లేదు. ప‌రిస్థితి చూస్తుంటే రానా ద‌గ్గుబాటితోనే తెలుగులో రీమేక్ అయ్యే అవ‌కాశాలు ఎక్కువ‌గా క‌నిపిస్తున్నాయి. వద్దనుకుంటే ఆల్ రెడీ అనువాద వెర్షన్‌ని సురేష్ బాబుకి ఉన్న థియేటర్స్‌లోనే విడుదల చేసుకుంటారు. ప్ర‌స్తుతం రానా ద‌గ్గుబాటి న‌టించిన భీమ్లా నాయ‌క్ సినిమా విడుద‌ల‌కు స‌న్న‌ద్ధ‌మ‌వుతుంది. మ‌రే సినిమాలు ఆయ‌న చేతిలో లేవు. మ‌రి సురేష్ బాబు స‌ద‌రు రీమేక్‌ను త‌న‌యుడు రానాతోనే చేస్తారో.. లేక రూట్ మార్చి మ‌రేవరైనా హీరోతో చేస్తారో తెలియాలంటే కొన్ని రోజులు ఆగాల్సిందే. ‘మానాడు’ విష‌యానికి వ‌స్తే హీరో శిలంబ‌ర‌స‌న్ అలియాస్ శింబుకి ఇది క‌మ్ బ్యాక్ మూవీ. క‌ళ్యాణి ప్రియ‌ద‌ర్శ‌న్ హీరోయిన్‌గా న‌టించింది. ఈ సినిమాలో ఆయ‌న ముస్లిం యువ‌కుడిగా క‌నిపించారు. పాత్ర కోసం బ‌రువు త‌గ్గి త‌న లుక్‌ను పూర్తిగా మార్చుకున్నారు. అలాగే ఈ సినిమాలో ఎస్.జె.సూర్య ఓ కీల‌క పాత్ర‌ను పోషించారు. మ‌రి ఆ పాత్ర‌ను తెలుగులో ఎవ‌రు చేస్తార‌నేది ఆస‌క్తిక‌ర‌మైన అంశ‌మే.

from Telugu Movie News | Movie News in Telugu | Movie Gossips in Telugu https://ift.tt/3eToc47
v