అక్కినేని వారసులు నాగార్జున, ఈ సంక్రాంతికి సూపర్ సక్సెస్ అందుకున్నారు. 'బంగార్రాజు' సినిమాతో తెలుగు ప్రేక్షకులను ఎంతగానో అలరించారు. ఓ వైపు కరోనా విలయతాండవం చేస్తున్నా ధైర్యం చేసి రిలీజ్ చేసిన బంగార్రాజు సినిమాకు విమర్శకుల ప్రశంసలు దక్కుతున్నాయి. ఈ నేపథ్యంలో గత రాత్రి రాజమండ్రిలో బ్లాక్ బస్టర్ మీట్ను ఏర్పాటు చేసింది చిత్రయూనిట్. ఈ వేడుకలో నాగ చైతన్య ఈ సినిమాపై ఆసక్తికరంగా స్పందిస్తూ కృతి శెట్టిని తెగ పొగిడేశారు. ఈ ఈవెంట్కు వచ్చిన ప్రతీ ఒక్కరికీ థ్యాంక్స్ అంటూ స్పీచ్ ప్రారంభించిన నాగ చైతన్య.. రాజమండ్రికి వచ్చినప్పుడల్లా పొందే ఎనర్జీ తిరిగి వెళ్లేటప్పుడు ఎంతో హాయినిస్తుందని అన్నారు. ఇక్కడ షూటింగ్ చేసినా, ఈవెంట్ చేసినా కూడా సినిమా బ్లాక్ బస్టర్ కావడమనేది సెంటిమెంట్గా మారిందని చెప్పారు. కరోనా పరిస్థితుల్లో కూడా బంగార్రాజు సినిమాను ఇంతలా ఆదరిస్తారని ఊహించలేదని తెలిపారు. మిమ్మల్ని, మా కంటెంట్ను నమ్మి విడుదల చేసినందుకు మా కెరీర్ బెస్ట్ ఓపెనింగ్స్ ఇవ్వడమే గాక కెరీర్ బెస్ట్ కలెక్షన్లు ఇవ్వబోతోన్నారని అన్నారు. మీలాంటి అభిమానులు నాకు ఉన్నందుకు గర్వపడుతున్నానని చెప్పిన చైతూ.. జీవితాంతం మీ అందరికీ రుణపడి ఉంటానని అన్నారు. ఒకరిని ఒకరు నమ్మి ఈ సినిమా చేశామని చెప్పారు. ఈ పాత్ర ఎలా ఉంటుందో అని సినిమా ప్రారంభంలో భయపడ్డాను కానీ కళ్యాణ్ కృష్ణ దగ్గరుండి తనతో చేయించాడని తెలిపారు. ఈ సినిమా కోసం పని చేసిన ప్రతీ ఒక్కరికీ థ్యాంక్స్ అని చెప్పిన నాగ చైతన్య, గురించి ప్రత్యేకంగా ప్రస్తావించారు. బేబమ్మ హ్యాట్రిక్ కొట్టేసిందని.. మా సర్పంచ్ నాగలక్ష్మిని చూస్తుంటే చాలా ఆనందంగా అందని అన్నారు. ఈ సినిమాలో నటించిన రమ్యకృష్ణ, రావు రమేష్, దక్ష, ఝాన్సీ ఇలా అందరికీ కృతజ్ఞతలు చెప్పారు చైతూ. ఇక కృతి మాట్లాడుతూ.. బంగార్రాజు అంటేనే నాగ చైతన్య, నాగార్జున గుర్తొస్తారని, నిజ జీవితంలో కూడా వారు బంగారం లాంటి వ్యక్తులని చెప్పింది. చై యూ ఆర్ స్వీట్ హార్ట్.. నీతో కలిసి పని చేయడం చాలా ఆనందంగా ఉంది. నాగార్జున, చైలకు ప్రత్యేకంగా కృతజ్ఞతలు అని చెప్పింది.
from Telugu Movie News | Movie News in Telugu | Movie Gossips in Telugu https://ift.tt/3fDkvQn
v
No comments:
Post a Comment