జూనియర్ ఐష్గా తెలుగు ప్రేక్షకులకు మాత్రం ఎప్పుడూ గుర్తుండిపోయే హీరోయిన్ స్నేహా ఉల్లాల్. 'ఉల్లాసంగా ఉత్సాహంగా' సినిమాతో తెలుగు ఇండస్ట్రీలో అడుగుపెట్టిన ఈ ముద్దుగుమ్మ కెరీర్లో చెప్పుకోదగిన హిట్స్ రాబట్టనప్పటికీ తనకంటూ స్పెషల్ క్రేజ్ కూడగట్టుకుంది. ''నేను మీకు తెలుసా, కరెంట్, వరుడు, సింహ, అలా మొదలైంది, మడత కాజా, యాక్షన్ త్రీడీ, అంతా నీ మాయలోనే'' అనే సినిమాల్లో నటించిన స్నేహా ఉల్లాల్కి గత కొంతకాలంగా ఆఫర్స్ కరువయ్యాయి. అయినప్పటికీ సోషల్ మీడియాలో యాక్టివ్గా ఉంటున్న ఆమె, పలు ఫొటోలతో అట్రాక్ట్ చేస్తోంది. ఈ నేపథ్యంలో తాజాగా నగ్నంగా ఉన్న కొందరి పిక్స్ షేర్ చేస్తూ సడెన్ షాకిచ్చింది స్నేహ ఉల్లాల్. ఇందుకు కారణం కూడా చెబుతూ ట్యాగ్ చేసింది. అంతా వెజిటేరియన్ ఫుడ్ తీసుకోవాలని, జీవ హింస చేయరాదనే కాన్సెప్ట్పై ఆమె స్పందించింది. మనకు అవసరమైన పాల ఉత్పత్తుల కోసం మూగ జీవాలపై ఆధారపడటం సరికాదన్నట్లుగా తన పోస్టులో పేర్కొంది స్నేహ ఉల్లాల్. ''మాంసం ఆధారిత ఫుడ్ వదిలేసి దయచేసి మొక్కల ఆధారిత ఫుడ్ తీసుకునే జీవనశైలికి అలవాటు పడండి. జంతువులపై ఆధారపడుతున్న మీ పాడి అవసరాలను తగ్గించుకోండి. ఈ భూమి మీద మనుషులమైన మనం మాత్రమే తల్లి పాలు మానేశాక, ఇంకా పాలు సేవించే జీవులం. మీ స్వంత తల్లి పాలు స్వీకరించడం మాత్రమే సహజ మార్గం అని తెలుసుకోండి. జంతువులపై ఆధారపడటం తగ్గించండి'' అని పేర్కొంది స్నేహా ఉల్లాల్. దీనికి తోడు పాడి పశువుల్లా మనుషులను ఉంచితే ఎలా ఉంటుందో తెలియజెప్పేలా ఓ పిక్ షేర్ చేసింది స్నేహా ఉల్లాల్. దీంతో ఈ పోస్ట్ నెట్టింట వైరల్ కావడమే గాక నెటిజన్ల నుంచి భారీ రెస్పాన్స్ తెచ్చుకుంటోంది. చాలా ప్రాక్టికల్గా చెప్పారు, ఇది ఫ్యాక్ట్ అని కొందరంటుండగా.. ఇంకొందరు మాత్రం ఈ పోస్ట్పై వ్యతిరేకంగా రియాక్ట్ అవుతున్నారు.
from Telugu Movie News | Movie News in Telugu | Movie Gossips in Telugu https://ift.tt/31jwuPx
v
No comments:
Post a Comment