పుష్ప ది రైజ్‌కు షాకింగ్ ప్రీ రిలీజ్ బిజినెస్.. తగ్గేదే లే అంటున్న అల్లు అర్జున్

ఐకాన్ స్టార్ హీరోగా సుకుమార్ దర్శకత్వంలో రూపొందుతోన్న చిత్రం ‘పుష్ప ది రైజ్‌’. పాన్ ఇండియా మూవీగా తెలుగు, హిందీ, త‌మిళ‌, మ‌ల‌యాళ, క‌న్న‌డ భాష‌ల్లో సినిమా డిసెంబ‌ర్ 17న విడుద‌ల‌కు సిద్ధ‌మైంది. ఇప్ప‌టికే సెన్సార్ కార్య‌క్ర‌మాలు పూర్తి కావ‌డంతో మూవీ రిలీజ్‌కు అన్నీ సిద్ధ‌మైన‌ట్లే. ఇప్ప‌టికే బ‌న్నీ, సుక్కు అండ్ టీమ్ ప్ర‌మోష‌న‌ల్ కార్య‌క్ర‌మాల‌ను స్టార్ట్ చేసేశారు. ఆర్య‌, ఆర్య 2 త‌ర్వాత అల్లు అర్జున్‌, సుకుమార్ కాంబినేష‌న్‌లో వ‌స్తున్న చిత్రం కావ‌డం.. అల్లు అర్జున్ డాన్సుల‌కు పాన్ ఇండియా రేంజ్‌లో ఉన్న క్రేజ్‌..బ‌న్నీ గ‌త చిత్రం అల వైకుంఠ‌పురములో.. భారీ విజయాన్ని సాధించ‌డం వంటి కార‌ణాల‌తో పుష్ప సినిమాపై భారీ అంచ‌నాలు నెల‌కొన్నాయి. ఈ సినిమాను సుకుమార్ డైరెక్ట్ చేస్తున్నాడు. సుకుమార్ టేకింగ్ గురించి అవ‌గ‌తం ఉన్న టాలీవుడ్ ఆడియెన్స్ సినీ ల‌వ‌ర్స్ కూడా పుష్ఫ కోసం ఆస‌క్తిగా ఎదురుచూస్తున్నారు. అలాగే సుకుమార్ గ‌త చిత్రం రంగ‌స్థ‌లం బ్లాక్ బ‌స్ట‌ర్ హిట్‌గా నిలిచింది. అదే ఊపును ఆయ‌న పుష్ప ది రైజ్‌తో కొన‌సాగిస్తాడో లేదోన‌ని కూడా అంద‌రూ అనుకుంటున్నారు. ఇది కూడా సినిమాపై ఆస‌క్తిని క‌లిగించిన అంశాల్లో ఒక‌టి. ఇక సినిమాపై అంచ‌నాల‌ను పెంచిన అంశాల్లో ప్ర‌ధాన తారాగ‌ణం.. హీరోయిన్‌గా చేసిన ర‌ష్మిక మంద‌న్న‌, విల‌న్‌గా చేసిన మ‌ల‌యాళ స్టార్ హీరో ఫ‌హాద్ ఫాజిల్‌ల‌తో పాటు అన‌సూయ‌, సునీల్ పాత్ర‌లు, వాటి తీరు తెన్నులు సినిమాపై ఉన్న అంచ‌నాల‌ను పెంచుతూ వ‌చ్చాయి. ఇక పుష్ప సినిమాపై ఎక్స్‌పెక్టేష‌న్స్ పెర‌గ‌డానికి కార‌ణం దేవిశ్రీ ప్ర‌సాద్ సంగీత సార‌థ్యంలో వ‌చ్చిన పాట‌లు అన్నీ హిట్ కావ‌డం. ముఖ్యంగా స‌మంత పాట ఊ అంటావా మావ‌.. సాంగ్‌కు వ‌స్తున్న బ‌జ్ అమేజింగ్ అనే చెప్పాలి. మ‌రో వైపు సినిమాను అన్ కాంప్ర‌మైజ్‌డ్‌గా నిర్మించిన సంస్థ‌లు మైత్రీ మూవీ మేకర్స్‌, ముత్తం శెట్టి మీడియా మేకింగ్ వేల్యూస్ కూడా సినిమాపై క్యూరియాసిటీని పెంచేశాయి. ఈ ఎక్స్‌పెక్టేష‌న్స్ అన్నీ సినిమా ప్రీ రిలీజ్ బిజినెస్ ఓ రేంజ్‌లో కావ‌డానికి దోహ‌ద‌ప‌డ్డాయి. సినీ వ‌ర్గాల్లో వినిపిస్తున్న స‌మాచారం మేర‌కు రూ.250 కోట్ల‌కు పైగానే ప్రీ రిలీజ్ బిజినెస్ జ‌రిగింది. ఐదు భాష‌ల్లో థియేట్రిక‌ల్ హ‌క్కులు, శాటిలైట్‌, డ‌బ్బింగ్‌, డిజిట‌ల్ హ‌క్కులు ఇలా అన్నీ క‌లిపి రూ.250 కోట్ల వ్యాపారం జ‌రిగింద‌ట‌. చిత్తూరు జిల్లా శేషాచ‌లం అడ‌వుల్లో జ‌రిగే ఎర్ర‌చంద‌నం స్మ‌గ్లింగ్ నేప‌థ్యంలో తెర‌కెక్కిన చిత్రం ‘పుష్ప ది రైజ్‌’. ఇందులో పుష్ప‌రాజ్ అనే లారీ డ్రైవ‌ర్ పాత్ర‌లో అల్లు అర్జున్ న‌టించారు.

from Telugu Movie News | Movie News in Telugu | Movie Gossips in Telugu https://ift.tt/3dE0OqG
v