ఇన్నాళ్లు సినిమాలకే పరిమతమైన నందమూరి బాలకృష్ణ మారుతున్న కాలానికి తోడు ట్రాన్స్ఫామ్ అవుతున్నారు. ఈ క్రమంలోనే రీసెంట్గా డిజిటల్ ఎంట్రీ సత్తా చాటుతున్నారు. బాలయ్య బాబు హోస్ట్గా నడుస్తున్న అన్స్టాపబుల్ షో ఆహా వేదికపై దూసుకుపోతోంది. పలువురు సెలబ్రిటీలను వేదికపైకి తీసుకొని వాళ్ళ పర్సనల్ విషయాలతో పాటు తన వ్యక్తిగత జీవితంలోని కీలక విషయాలను అభిమానులతో పంచుకుంటున్నారు . ఈ నేపథ్యంలోనే తాజాగా జరిగిన ఎపిసోడ్లో తన తండ్రి గారైన స్వర్గీయ గురించి మాట్లాడుతూ ఎమోషనల్ అయ్యారాయన. హ్యూజ్ రెస్పాన్స్ తెచ్చుకుంటున్న టాక్ షో ‘అన్స్టాపబుల్ విత్ ఎన్బీకే’ తాజా ఎపిసోడ్కు ‘అఖండ’ డైరెక్టర్ బోయాపాటి శ్రీను సహా చిత్ర బృందం హాజరైంది. వాళ్లందరితో చలాకీగా మాట్లాడుతూ హుషారెత్తించిన బాలయ్య బాబు.. తన తండ్రి ఎన్టీఆర్ గురించి నటుడు శ్రీకాంత్ చెబుతున్న సందర్భంలో కలుగజేసుకొని మాట్లాడారు. అంతేకాదు వెన్నుపోటు టాపిక్ బయటకుతీస్తూ సంచలన వ్యాఖ్యలు చేశారు బాలకృష్ణ. ''నాన్నగారికి 800సీసీ మారుతీకారు ఉన్న సమయంలో నేను 1000సీసీ కారు వాడేవాడిని. ఒకరోజు నాన్నగారి దగ్గరకు వెళ్లి ‘నాన్న నాది 1000సీసీ కారు. మీరు దీన్ని...’ అని ఏదో చెప్పబోయే సరికి ‘మీరు మాకు ఇచ్చేది ఏంటి? ఇలాంటివి వందలు కొనగలం’ అనేశారు. కొడుకు ఇచ్చే స్థాయికి వచ్చాడనే ఆనందం ఆయనది. ఆ తర్వాత చాలా మంది తప్పుడు మాటలు మాట్లాడుతూ తప్పుడు ఆరోపణలు చేశారు. ఎన్టీఆర్ను పిల్లలు సరిగా చూసుకోవడం లేదని, వెన్నుపోటు పొడిచారని అంటూ పలు విమర్శలు చేశారు. ఒకరు ఏదైనా విషయం పదిసార్లు చెబితే అదే నిజమనుకుంటారు. పుట్టినప్పటి నుంచి ఆయనకు దూరంగా పెరిగా. ఆయన మద్రాసులో ఉంటే నేను హైదరాబాద్లో ఉండే రోజులవి. ఆయన రాజకీయాల్లోకి వచ్చిన తర్వాత నేను సినిమాల కోసం మద్రాసులో ఉండాల్సి వచ్చేది. చివరి వరకు కూడా ఎవరి మీదా ఆధారపడకుండా బతికిన వ్యక్తి ఆయన. నేను ఆయనకు కొడుకుని మాత్రమే కాదు అభిమానిని కూడా. కుటుంబం, రాష్ట్రం, రాజకీయం దేనికవే సపరేటు. కానీ అన్నీ కలిపి కలగాపులగం చేసేశారు'' అంటూ బాలయ్య బాబు కాస్త భావోద్వేగం చెందారు.
from Telugu Movie News | Movie News in Telugu | Movie Gossips in Telugu https://ift.tt/3rTnk7g
v
No comments:
Post a Comment