ఎవ‌రు మీలో కోటీశ్వ‌రులులో మ‌హేశ్ ఎపిసోడ్ ఎప్పుడంటే?

ఒక‌వైపు వెండితెర‌పై అగ్ర హీరోగా రాణిస్తోన్న యంగ్ టైగ‌ర్ ఎన్టీఆర్ ఇప్పుడు బుల్లితెర‌పై కూడా త‌న స‌త్తా చాటుతున్నారు. ఏమాత్రం వీలున్నా బుల్లితెర‌పై ఆయ‌న స్పెష‌ల్ హోస్టింగ్ చేయ‌డానికి వెనుకాడ‌టం లేదు. తాజాగా ఆయ‌న హోస్టింగ్ ప్ర‌సారం అవుతున్న ప్రోగ్రామ్ ఎవ‌రు మీలో కోటీశ్వ‌రులు. ఒక వైపు సామాన్యుల‌తో పాటు మ‌ధ్య మ‌ధ్య‌లో సెల‌బ్రిటీల‌తో ఈ షోను విజ‌య‌వంతంగా ర‌న్ చేస్తూ ప్రేక్ష‌కుల‌ను ఆక‌ట్టుకోవ‌డంలో ఎన్టీఆర్ స‌క్సెస్ అయ్యారు. ఎవ‌రు మీలో కోటీశ్వ‌రులు సీజ‌న్ 1కు సంబంధించిన చిత్రీక‌ర‌ణ ఎప్పుడో పూర్త‌య్యింది. అయితే ఎపిసోడ్స్ వైడ్స్‌గా వ‌స్తుండ‌టంతో ఇంకా టీవీలో ప్రేక్ష‌కుల‌ను ఎంత‌గానో అల‌రిస్తుంది. ఇక సెల‌బ్రిటీల‌ను ఎన్టీఆర్ ఇంట‌ర్వ్యూ చేసిన ఈ షోలో సూప‌ర్‌స్టార్ మ‌హేష్ కూడా పాల్గొన్నారు. అయితే దాన్ని వెంట‌నే ప్ర‌సారం చేయకుండా నిర్వాహ‌కులు స‌రైన టైమ్‌లో విడుద‌ల చేయాల‌ని ఎదురుచూస్తూ వ‌చ్చారు. ఇప్ప‌టికే దానికి సంబంధించిన టీజ‌ర్ కూడా విడుద‌లై ఎపిసోడ్ ఎప్పుడు ప్ర‌సారం కానుందా? మ‌హేష్‌ను ఎన్టీఆర్ ఎలాంటి ప్ర‌శ్న‌లు వేశాడు? దానికి ఆయ‌నెలా స‌మాధానం చెప్పాడు? అనే విష‌యాల‌ను తెలుసుకోవ‌డానికి ప్రేక్ష‌కులు, అభిమానులు ఎంతో ఆస‌క్తిగా ఎదురుచూస్తున్నారు. తాజా స‌మాచారం మేర‌కు ఎన్టీఆర్, మ‌హేష్ కాంబినేష‌న్‌లో రూపొందిన ఎవ‌రు మీలో కోటీశ్వ‌రులు ఎపిసోడ్‌ను డిసెంబ‌ర్ 5న రాత్రి 8 గంట‌ల 30 నిమిషాల‌కు ప్ర‌సారం చేయాల‌ని నిర్ణ‌యించుకున్నార‌ట‌. ఈ ప్రోగ్రామ్‌ను సెల‌బ్రిటీ ఇంట‌ర్వ్యూతోనే స్టార్ట్ చేశారు తార‌క్‌. త‌న స్నేహితుడు, మెగాప‌వ‌ర్‌స్టార్ రామ్‌చ‌ర‌ణ్‌తో ఎవ‌రు మీలో కోటీశ్వ‌రులు కార్య‌క్ర‌మాన్ని ప్రారంభించారు. త‌ర్వాత ఈ కార్య‌క్ర‌మానికి రాజ‌మౌళి, కొర‌టాల శివ‌, స‌మంత వంటి స్టార్స్ సంద‌డి చేశారు. త్వ‌ర‌లోనే మ‌హేష్ ఎపిసోడ్ కూడా ప్ర‌సారం కానుంది. అంద‌రూ ఎంతో ఆస‌క్తిగా ఎదురుచూస్తున్నారు. ఇక సినిమాల విష‌యానికి వ‌స్తే,త్వ‌ర‌లోనే కొర‌టాల శివ ద‌ర్శ‌క‌త్వంలో తెర‌కెక్క‌బోయే సినిమా కోసం ఎన్టీఆర్ స‌న్న‌ద్ధ‌మ‌వుతున్నారు. అలాగే మరో వైపు రాజ‌మౌళి ద‌ర్శ‌క‌త్వంలో మెగాప‌వ‌ర్‌స్టార్ రామ్‌చ‌ర‌ణ్‌తో క‌లిసి చేసిన ‘ఆర్ఆర్ఆర్‌’ సినిమాలో తెలంగాణ గోండువీరుడు కొమురం భీమ్ పాత్ర‌లో ఎన్టీఆర్ మెప్పించ‌బోతున్నారు. ఈ సినిమాకు సంబంధించిన పోస్ట్ ప్రొడ‌క్ష‌న్ కార్య‌క్ర‌మాలు శ‌ర‌వేగంగా జ‌రుగుతున్నాయి. వ‌చ్చే ఏడాది జ‌న‌వ‌రి 7న ఈ సినిమా విడుద‌ల‌వుతుంది. ఈ పాన్ ఇండియా సినిమా కోసం ప్రేక్ష‌కులు, అభిమానులు ఎంతో ఆస‌క్తిగా ఎదురుచూస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/3DgoWtU
v