మెసేజ్ ఓరియెంటెడ్ సినిమాలను కమర్షియల్ పంథాలో హీరోల ఫ్యాన్స్ మెచ్చేలా, పవర్ఫుల్ యాక్షన్, డైలాగ్స్తో ఆకట్టుకునేలా తెరకెక్కించడంలో దిట్ట డైరెక్టర్ కొరటాల శివ. ప్రస్తుతం ఈయన డైరెక్షన్లో రూపొందుతోన్న చిత్రం ఆచార్య. పోస్ట్ ప్రొడక్షన్ పనుల్లో బిజీగా ఉంది. పిబ్రవరి 4న విడులదవుతుంది. మెగాస్టార్ టైటిల్ పాత్రలో నటించిన చిత్రమిది. మెగాపవర్స్టార్ రామ్చరణ్ ఇందులో సిద్ధ అనే ఓ కీలక పాత్రలో నటించారు. ఇది వరకు మగధీర, బ్రూస్లీ, ఖైదీ నంబర్ 150 చిత్రాల్లో చిరంజీవి, రామ్చరణ్ కలిసి నటించినప్పటికీ అది చిన్న డాన్స్ బిట్టో లేక ఏదో ఒక సన్నివేశం వరకు పరిమితం అయ్యింది. అయితే తొలిసారి చిరంజీవి, చరణ్ సమాన ప్రాధాన్యత ఉన్న పాత్రల్లో నటించిన చిత్రం ఆచార్య. రీసెంట్గా ఈ సినిమా సిద్ధ క్యారెక్టర్ టీజర్ను చిత్ర యూనిట్ విడుదల చేసింది. అందులో రామ్చరణ్ పాత్రధారి అయిన సిద్ధ రోల్ ఎలా ఉండబోతుందనే విషయాన్ని చూఛాయగా చూపించారు. అయితే ఇదే టీజర్ చివరలో చిరుత పిల్ల నీళ్లు తాగుతుంటే.. చిరుత కాపాలాగా ఉండే సీన్ చూపిస్తునే చిరంజీవి, చరణ్ను చూపించారు. ఈ సీన్ ఫ్యాన్స్కు, ప్రేక్షకులకు పిచ్చపిచ్చగా నచ్చేసింది. ఆచార్యలో సిద్ధ క్యారెక్టర్ టీజర్కు, ఆ టీజర్ చివరలో చూపించిన చిరంజీవి-చరణ్ కాంబో సినీన్ గురించి రీసెంట్ ఇంటర్వ్యూలో కొరటాల శివ మాట్లాడారు. ‘‘కథను తయారు చేస్తున్న సమయంలో ఏమీ అనిపించలేదు. అయితే షూటింగ్ సమయంలో చిరంజీవి, చరణ్లపై సన్నివేశాలను చిత్రీకరించాలనుకోగానే కాస్త టెన్షన్గా అనిపించింది. ఎందుకంటే ఇద్దరూ పూర్తిస్థాయి పాత్రల్లో నటిస్తోన్న తొలి చిత్రమిది. భవిష్యత్తులో ఇలాంటి రోల్స్ చేస్తారో లేదో తెలియదు. కాబట్టి సినిమాపై ఎక్స్పెక్టేషన్స్ ఉంటాయి. కాబట్టి దాన్ని బాగా చూపించాలని అనుకున్నాను. అదే నా టెన్షన్కు కారణమైంది. అయితే చిరంజీవిగారు, చరణ్ కలిసి నా టెన్షన్ను దూరం చేసేశారు. వారిద్దరూ కలిసి నటించిన కొన్ని సన్నివేశాలను మారేడుమిల్లి అడవుల్లో 15 రోజుల పాటు చిత్రీకరించాం’’ అన్నారు కొరటాల శివ. ఇంకా ‘ఆచార్య’ సినిమా గురించి మాట్లాడుతూ ‘‘ఈ సినిమా నుంచి మరో రెండు సర్ప్రైజ్లు రాబోతున్నాయి. అందులో చిరంజీవి-చరణ్ కలిసి డాన్స్ చేసిన పాటను విడుదల చేస్తాం. అలాగే సినిమా ట్రైలర్ను విడుదల చేస్తాం. ఇప్పటి వరకు చిరంజీవి, చరణ్ కలిసి పూర్తి సాంగ్ డాన్స్ చేయలేదు. కానీ తొలిసారి ఆచార్యలో పూర్తి పాటకు చిరంజీవి, చరణ్ కలిసి డాన్స్ చేయడం మీరు చూస్తారు’’ అన్నారు కొరటాల. ఈ చిత్రంలో చిరంజీవి జోడీగా కాజల్ అగర్వాల్. చరణ్ జోడీగా పూజా హెగ్డే నటించారు.
from Telugu Movie News | Movie News in Telugu | Movie Gossips in Telugu https://ift.tt/3ocTgBi
v
No comments:
Post a Comment