ఒకే రూట్‌లో RRR, పుష్ప .. ఇద్దరూ వెనక్కి తగ్గడానికి రీజనేంటి?

మోస్ట్ అవెయిటెడ్ పాన్ ఇండియా మూవీ కోసం అందరూ ఎంతో ఆస‌క్తిగా ఎదురుచూస్తున్నారు. మ‌రో వైపు టాలీవుడ్ నుంచి పాన్ ఇండియా రేంజ్‌లో విడుద‌ల‌కు సిద్ధ‌మ‌వుతున్న మ‌రో భారీ చిత్రం పుష్ప‌. RRR విష‌యంలో భారీ అంచ‌నాలు ఉండ‌టానికి కార‌ణం.. బాహుబ‌లి త‌ర్వాత రాజ‌మౌళి డైరెక్ట్ చేస్తున్న చిత్రం. తార‌క్‌, చ‌ర‌ణ్ వంటి స్టార్ హీరోలుగా అజ‌య్ దేవ‌గ‌ణ్‌, ఆలియా భ‌ట్ వంటి బాలీవుడ్ స్టార్స్‌, హాలీవుడ్ స్టార్స్ అంద‌రూ న‌టిస్తుండ‌టమే. ముందు నుంచి రాజ‌మౌళి ఓ ప్లానింగ్ ప్ర‌కారం RRR సినిమాపై హైప్ పెంచుతూ వ‌స్తున్నారు. మ‌రో వైపు అల్లు అర్జున్ తొలి సారి పాన్ ఇండియా రేంజ్‌లో ప్ర‌య‌త్నాలు చేస్తుండ‌టంతో త‌ను కూడా సినిమాను ఆడియెన్స్‌కు క‌నెక్ట్ చేయించ‌డానికి ఏమాత్రం త‌గ్గ‌కుండా గ‌ట్టి ప్ర‌య‌త్నాలే చేస్తూ వ‌స్తున్నారు. ఈ రెండు చిత్రాల్లో ముందుగా ది రైజ్ డిసెంబ‌ర్ 17న ప్రేక్ష‌కుల ముందుకు రాబోతుంది. జ‌వ‌న‌రి 7న RRR రిలీజ్ అవుతుంది. ఈ అంచ‌నాల‌ను మ‌రింత పెంచ‌డానికి ముఖ్యంగా ఓవ‌ర్‌సీస్ ఆడియెన్స్‌కు క‌నెక్ట్ కావ‌డానికి ఈ రెండు చిత్రాల మేక‌ర్స్ ప్లాన్ చేశార‌ట‌. త‌మ ప్రణాళిక‌ల్లో భాగంగా RRR, పుష్ప రెండు సినిమాల థియేట్రిక‌ల్ ట్రైల‌ర్స్‌ను దుబాయ్‌లో ఘ‌నంగా నిర్వ‌హించాల‌ని ప్లాన్ చేశార‌ట‌. అంతా ఓకే అని అనుకుంటున్న త‌రుణంలో ఏమైందో ఏమో కానీ రెండు చిత్రాల మేక‌ర్స్ సినిమాల ప్ర‌మోష‌న‌ల్ ప్లాన్స్‌ను దుబాయ్‌లో చేయ‌కూడ‌ద‌ని భావించి వెన‌క‌డుగు వేశార‌ట‌. అయితే అందుకు త‌గిన‌ట్లు త‌మ సినిమాల ప్ర‌మోష‌న్స్‌ను ఇంకా ఎక్కువ‌గా చేయాల‌ని చూస్తున్నార‌ట‌. ఇప్ప‌టికే రాజ‌మౌళి RRR హీరోలైన ఎన్టీఆర్‌, రామ్ చ‌ర‌ణ్‌ల‌కు డిసెంబ‌ర్ నెలంతా ప్ర‌మోష‌న్స్‌కు కేటాయించాల‌ని చెప్పేశార‌ట‌. అందుక‌ని చ‌ర‌ణ్ ఇప్పుడు చేస్తున్న శంక‌ర్ సినిమా నుంచి డిసెంబ‌ర్‌లో డేట్స్ కేటాయించలేద‌ట‌. ఇక ఎన్టీఆర్ అయితే కొర‌టాల శివ‌ను వ‌చ్చే ఏడాది ఫిబ్ర‌వ‌రిలోనే స్టార్ట్ చేయ‌బోతున్నాడు. ఇక బ‌న్నీ అండ్ సుక్కు మిగిలిన పాట‌ను ఈ నెలాఖ‌రులోపు పూర్తి చేసేసి మిగిలిన డిసెంబ‌ర్ 17 వ‌ర‌కు కేవ‌లం ప్ర‌మోష‌న్స్‌కే టైమ్‌ను కేటాయించేలా ప్లాన్ చేశార‌ట‌. RRR మూవీ 1920 బ్యాక్‌డ్రాప్‌లో సాగే ఫిక్ష‌న‌ల్ పీరియాడిక్ మూవీ. ఇందులో రామ్‌చ‌ర‌ణ్.. మ‌న్యం వీరుడు అల్లూరి పాత్ర‌లో క‌నిపిస్తే, కొమురం భీమ్ పాత్ర‌లో ఎన్టీఆర్ క‌నిపించ‌బోతున్నారు. చ‌రిత్ర‌లో క‌లుసుకోని ఇద్ద‌రు పోరాట యోధులు క‌లుసుకుని బ్రిటీష్ వారిపై పోరాటం చేస్తే ఎలా ఉంటుంద‌నేదే ఈ సినిమా. ఇక పుష్ప సినిమా విష‌యానికి వ‌స్తే.. ఇది రెండు భాగాలుగా రూపొందుతోంది. అందులో తొలి భాగం పుష్ప ది రైజ్‌. శేషాచ‌ల అడ‌వుల్లో జ‌రిగే ఎర్ర‌చంద‌నం స్మ‌గ్లింగ్ నేప‌థ్యంలో సాగే చిత్ర‌మిది.

from Telugu Movie News | Movie News in Telugu | Movie Gossips in Telugu https://ift.tt/3r6awtG
v