గత రెండేళ్లుగా దెబ్బకు పలు రంగాలు విలవిల్లాడిపోయాయి. మరీ ముఖ్యంగా సినీ ఇండస్ట్రీపై కరోనా పంజా విసిరింది. కోవిడ్ కారణంగా కొందరు సినీ నటులను ఇండస్ట్రీ కోల్పోవడమే గాక, పని దొరకక సినీ కార్మికులు రోడ్డున పడ్డారు. సినిమా సౌంగ్, ఆడియన్స్ కేకలు లేక థియేటర్స్ బోసిపోయాయి. అయితే ఈ పరిస్థితుల నుంచి ఇప్పుడిప్పుడే బయటపడుతుండగా మరోసారి కరోనా మహమ్మారి గుబులు పుట్టిస్తోంది. ఒకప్పటి వైభవం దిశగా ఇండస్ట్రీ అడుగులు పడుతున్న ఈ సమయంలో సినీ ప్రముఖులు కరోనా బారిన పడటం ఆందోళన కలిగిస్తోంది. మొన్న హీరోయిన్ ప్రగ్యా జైస్వాల్ కొవిడ్ బారిన పడగా, నిన్న బాలీవుడ్ బ్యూటీ నిషా రావల్కు కరోనా సోకింది. ఇక ఇప్పుడు బాలీవుడ్ నటి, శివసేన నాయకురాలు ఊర్మిళా మటోండ్కర్ కరోనా బారిన పడటం కలవరపెడుతోంది. తనకు కరోనా పాజిటివ్ అనే విషయాన్ని స్వయంగా తన ట్విట్టర్ వేదికగా తెలిపింది . ''కొద్దిపాటి కరోనా లక్షణాలు కనిపించడంతో టెస్ట్ చేయించుకున్నా. నాకు కొవిడ్ పాజిటివ్గా రిపోర్ట్ వచ్చింది. అయితే ప్రస్తుతం నేను ఆరోగ్యంగానే ఉన్నాను. స్వీయ నిర్బంధంలోకి వెళ్లి ప్రస్తుతం హోం క్వారంటైన్లో ఉన్నాను. ఈ మధ్యకాలంలో నన్ను కలిసిన వాళ్లంతా పరీక్షలు చేయించుకోండి. దీపావళి వస్తోంది. కరోనా పట్ల జాగ్రత్తలు తీసుకుంటూ పండగ జరుపుకోండి'' అని ఊర్మిళ తెలిపారు. కాగా ఊర్మిళ త్వరగా కోలుకోవాలని నెటిజన్స్ కామెంట్లు పెడుతున్నారు.
from Telugu Movie News | Movie News in Telugu | Movie Gossips in Telugu https://ift.tt/2ZDAKZ5
v
No comments:
Post a Comment