హీరో సూర్య పెద్ద మనసు.. గిరిజన విద్య కోసం కోటి రూపాయల విరాళం

హీరో సిల్వ‌ర్ స్క్రీన్‌పైనే కాదు, రియ‌ల్ లైఫ్‌లోనూ హీరోనే. ఎందుకంటే ఆయ‌న అగ‌రం అనే ఫౌండేష‌న్‌ను స్థాపించి దాని ద్వారా గ్రామీణ ప్రాంతాల్లోని పేద విద్యార్థుల‌కు విద్య‌ను అందిస్తున్నారు. విపత్తులు వచ్చినప్పుడు ఎన్నో సార్లు పెద్ద మ‌న‌సు చాటుకుంటూ విరాళాలు ప్ర‌క‌టిస్తూ వ‌స్తున్న సూర్య అండ్ ఫ్యామిలీ ఇప్పుడు మ‌రో అడుగు ముందుకేసింది. గిరిజ‌న విద్యార్థుల కోసం సూర్య తాజాగా కోటి రూపాయ‌ల‌ను విరాళంగా ప్ర‌క‌టించారు. ఈ మొత్తాన్ని ఆయ‌న త‌మిళ‌నాడు ముఖ్య‌మంత్రి ఎం.కె.స్టాలిన్‌ను క‌లిసి అందించారు. అది కూడా త‌న నిర్మాణ సంస్థ 2డీ ఎంట‌ర్‌టైన్‌మెంట్స్ త‌ర‌పు నుంచి ఈ విరాళంను అందించారు. అస‌లు ప‌ర్టికుల‌ర్‌గా ఎందుకు ఈరోజునే సూర్య, అది కూడా గిరిజ‌న విద్యార్థుల కోసం కోటి రూపాయ‌ల విరాళాన్ని అందించాడు. అంటే అందుకొక కార‌ణం ఉంది. అదేంటంటే, రేపు హీరో సూర్య న‌టించిన సినిమా విడుద‌ల‌వుతుంది. ఆ సినిమాలో హీర సూర్య లాయ‌ర్ పాత్ర‌లో క‌నిపించ‌బోతున్నారు. ముఖ్యంగా గిరిజ‌నుల త‌ర‌పున పోరాడే లాయ‌ర్ పాత్ర‌లో సూర్య ఆక‌ట్టుకోబోతున్నారు. టీజీ జ్ఞాన‌వేల్ ఈ చిత్రాన్ని తెర‌కెక్కించారు. ఈ సినిమా థియేట‌ర్స్ ద్వారా కాకుండా అమెజాన్ ప్రైమ్‌లో విడుద‌ల‌వుతుంది. అది కూడా తెలుగు, త‌మిళ‌, క‌న్న‌డ‌, మ‌ల‌యాళ‌, హిందీ భాష‌ల్లో. చ‌ట్టం, స‌మాన‌త్వం, మాన‌వ హ‌క్కుల కోసం ఓ లాయ‌ర్ ఎలా గిరిజ‌నుల‌కు అండ‌గా నిల‌బ‌డి ఎలా పోరాటం చేశాడ‌నేదే క‌థాంశం. దీని త‌ర్వాత పాండిరాజ్ ద‌ర్శ‌క‌త్వంలో స‌న్ పిక్చ‌ర్స్ బ్యాన‌ర్‌పై ఎదుక్కుం తునింజ‌వ‌న్ సినిమాతో ప్రేక్ష‌కుల‌ను మెప్పించ‌నున్నారు. త‌దుప‌రి వెట్రిమార‌న్ ద‌ర్శ‌క‌త్వంలో వాడివాస‌ల్ అనే ఓ సినిమా చేయాల్సి ఉంది. సుధా కొంగ‌ర ద‌ర్శ‌క‌త్వంలో ఓ సినిమా ఉండొచ్చున‌ని కూడా వార్త‌లు వినిపిస్తున్నాయి. కోవిడ్ ఎఫెక్ట్ థియేటర్స్‌పై పడ్డప్పటి నుంచి సూర్య తన బ్యానర్‌లో రూపొందిస్తోన్న చిత్రాలను థియేటర్స్‌లో కాకుండా డైరెక్ట్ ఓటీటీ రిలీజ్ చేస్తున్నారు. ‘ఆకాశం నీ హద్దురా(శూరరై పోట్రు)’ చిత్రాన్ని కూడా అమెజాన్‌లోనే విడుదల చేస్తే ఆ సినిమాకు అమేజింగ్ రెస్పాన్స్ వచ్చింది. ఇప్పుడు జై భీమ్ సినిమాను కూడా నేరుగా అమెజాన్ ద్వారానే ప్రేక్షకుల ముందుకు తీసుకొస్తున్నారు సూర్య.

from Telugu Movie News | Movie News in Telugu | Movie Gossips in Telugu https://ift.tt/3Btx75b
v