శివ శంకర్ మాస్టర్ పరిస్థితి విషమం.. వైద్య ఖర్చులు భరిస్తున్న ధనుష్.. రంగంలోకి సోనూసూద్

పేరు తెలియని సినీ ప్రేమికులు ఉండరు. ఆయన ఎన్నో పాటలను తన దైన శైలిలో నృత్యాలను కంపోజ్ చేశారు. జాతీయ స్థాయిలో అవార్డులు సైతం అందుకున్నారు. అలాంటి శివ శంకర్ మాస్టర్ పరిస్థితి ఇప్పుడు విషమంగా ఉంది. కరోనాతో శివ శంకర్ మాస్టర్ పోరాడుతున్నారు. ఇప్పటికే 75 శాతం ఊపరితిత్తులు ఇన్ ఫెక్షన్‌కు గురయ్యాయని తెలుస్తోంది. అయితే హాస్పిటల్ ఖర్చులు ఇప్పుడు భారంగా మారినట్టు తెలుస్తోంది. దీంతో శివ శంకర్ మాస్టర్ చిన్న కుమారుడు అజయ్ కృష్ణ దాతల సాయం కోసం ఎదురుచూస్తున్నాడు. అలాంటి సమయంలోనే హీరో , రియల్ హీరో స్పందించారు. శివ శంకర్ మాస్టర్‌కు మాత్రమే కాకుండా ఆయన కుటుంబ సభ్యులకు కూడా కరోనా సోకినట్టు తెలుస్తోంది. శివ శంకర్ మాస్టర్ పెద్ద కొడుక్కి కూడా కరోనా సోకగా.. ఆయనకు కూడా సీరియస్ అయ్యి అపస్మారక స్థితిలోకి వెళ్లినట్లు వైద్యులు తెలిపారు. ఇక శివ శంకర్ మాస్టర్ భార్యకు కూడా కరోనా సోకగా.. ఆమెకు హోమ్ క్వారెంటైన్ లో ఉన్నట్టు సమాచారం. అయితే ఇప్పుడు ఈ అందరినీ కూడా చిన్న కొడుకైైన అజయ్ కృష్ణ చూసుకుంటున్నాడు. శివ శంకర్ మాస్టర్ పరిస్థితి గురించి ఒక్కసారిగా సోషల్ మీడియాలో వార్తలు వైరల్ కాగా.. ఆయన అభిమానులు ఆందోళన చెందసాగారు. ఎవరైనా ముందుకు వచ్చి సాయం చేయమని కోరారు. దీంతో రియల్ హీరో సోనూ సూద్ అందరికంటే ముందుగా స్పందించాడు. ఫ్యామిలీతో టచ్‌లో ఉన్నాను.. ఆయన్ను కాపాడేందుకు ప్రయత్నిస్తున్నాను అని అన్నాడు. ఇక ధనుష్ సైతం శివ శంకర్ మాస్టర్ గురించి ఆరా తీశారట. వైద్య ఖర్చులు భరిస్తానని హామీ ఇచ్చినట్టు తెలుస్తోంది.

from Telugu Movie News | Movie News in Telugu | Movie Gossips in Telugu https://ift.tt/3r9n0AN
v