అవసరమైతే గుండు కొట్టించుకుంటా.. క్యారెక్టర్ విషయమై అనసూయ ఓపెన్ కామెంట్స్

సినిమా అనేది రంగుల ప్రపంచమే అయినా ఒక్కో సందర్భం ఒక్కోలా ఉంటుంది. క్యారెక్టర్ డిమాండ్ చేస్తే ఎలాంటి రోల్ అయినా చేయాల్సి వస్తుంది. ఫిజిక్, లుక్ పరంగా చాలా చేంజ్ కావాల్సిన అవసరం వస్తుంటుంది. అయితే కొందరు నటీనటులు ఇలాంటి వాటికి దూరంగా ఉన్నా.. కెరీర్ పట్ల శ్రద్ద పెట్టే నటులు మాత్రం క్యారెక్టర్ డిమాండ్ చేస్తే ఎలాంటి లుక్‌లో అయినా కనిపించేందుకు సిద్ధమని అంటుంటారు. తాజాగా జబర్దస్త్ బ్యూటీ, అదే మాట చెప్పింది. సినిమాలు, బుల్లితెర ప్రోగ్రామ్స్ పరంగా ఎంత బిజీగా ఉన్నా కూడా సోషల్ మీడియా కోసం కాస్త టైమ్ కేటాయిస్తుంటుంది అనసూయ. ఎప్పటికప్పుడు తన రెగ్యులర్ అప్‌డేట్స్‌తో పాటు గ్లామర్ ఫోటో షూట్స్ తన సామజిక మాధ్యమాల్లో పోస్ట్ చేస్తూ ఆన్ లైన్ వేదికలపై తన యాక్టివ్‌నెస్ చూపిస్తుంటుంది. ఇక వీలుకూడినప్పుడల్లా నెటిజన్లతో ముచ్చటిస్తూ వాళ్ళడిగిన ప్రశ్నలపై తనదైన కోణంలో స్పందించడం ఆమె నైజం. ఇదే బాటలో తాజాగా ఓ చిట్ చాట్ సెషన్‌లో పాల్గొని ఆసక్తికర విషయాలు చెప్పింది అనసూయ. మీకు పెద్ద సినిమాలో మంచి రోల్ అవకాశం వస్తే.. అవసరమైతే ఆ రోల్ కోసం గుండు కొట్టించుకుంటారా? అని ఓ నెటిజన్ ఆమెను ప్రశ్నించాడు. దీనిపై రియాక్ట్ అయిన జబర్దస్త్ బ్యూటీ ''తప్పకుండా.. ఆ క్యారెక్టర్ కోసం అవసరం అనుకుంటే గుండు కొట్టించుకుంటా'' అంటూ ఓపెన్ అయింది. ఇది చూసి సినిమాల పట్ల అనసూయకు ఉన్న మక్కువ, కెరీర్ విషయంలో ఆమె డెడికేషన్ సూపర్ అంటూ కామెంట్స్ చేస్తున్నారు నెటిజన్లు. అలాగే మరికొద్ది రోజుల్లో తాను తమిళ సినిమాల్లో కనిపించబోతున్నట్లు ఆనసూయ తెలిపింది. ప్రస్తుతం బుల్లితెరపై రాణిస్తూనే వెండితెరపై వరుస ఆఫర్స్ పట్టేస్తోంది అనసూయ. కృష్ణవంశీ రూపొందిస్తున్న 'రంగమార్తాండ' మూవీలో కీలకపాత్ర పోషిస్తున్న ఆమె.. అల్లు అర్జున్ 'పుష్ప' సినిమాలో 'ద్రాక్షాయని'గా డిఫరెంట్ రోల్‌లో నటిస్తోంది. దీంతో పాటు ప్రభుదేవాతో ఓ సినిమా చేస్తూ లేడీ ఓరియెంటెడ్ కథల వేట కొనసాగిస్తోంది.

from Telugu Movie News | Movie News in Telugu | Movie Gossips in Telugu https://ift.tt/3ocbly1
v