వ్యవహార శైలి ఎవ్వరికీ అంత త్వరగా అర్థం కాదు. ఎప్పుడు ఎలా ఉంటాడు.. ఎలాంటి కామెంట్లు చేస్తాడో ఊహించలేం. మొన్నటి వరకు రాజకీయాలకు దూరంగా ఉన్న బండ్ల గణేష్ మదిలో ఇప్పుడు మళ్లీ మొలకలు వచ్చినట్టు కనిపిస్తున్నాయి. ఇక తన జీవితమంతా కూడా సినిమాలే.. రాజకీయాలు అనేవి ఉండవు అని ఆ మధ్య ఎప్పుడో అన్నాడు. కానీ బండ్ల గణేష్ ఎప్పుడు ఏం చేస్తాడో ఎవ్వరూ చెప్పలేరు కదా. అలా ఇప్పుడు తన నిర్ణయాలు మార్చుకున్నట్టు తెలుస్తోంది. ఆ మధ్య ఒకసారి పవన్ కళ్యాణ్తో తాను ఓ సినిమా తీయబోతోన్నాను.. నా దేవుడు మరో అవకాశం ఇచ్చాడంటూ బండ్ల గణేష్ అన్నాడు. కానీ ఇప్పుడు మాత్రం ఆయన్ను నేను అడగనే లేదని అంటున్నాడు. అసలు ఇప్పుడు సినిమాలను నిర్మించే ఉద్దేశ్యమే లేదని ఖరాఖండిగా చెప్పేశాడు. అంతే కాకుండా హీరోలతో రిలేషన్ గురించి మాట్లాడాడు. హీరోలను దేవుడిలా పూజించాలి.. వారు బాగుంటేనే సినిమా బాగా వస్తుంది.. అందరూ బాగుంటారు అని మొదట్లో అన్నాడు. ఇక మధ్యలో హీరోలేమైనా దేవుళ్లా అని అన్నాడు. నేను సినిమాలు చేస్తే దేవుళ్లు అలా చూసుకుంటాను.. లేకపోతే లేదు.. నా జీవితమే సినిమా కాదు.. నా జీవితంలో సినిమా ఓ పార్ట్. నాకు ఎన్నో పనులున్నాయి.. చిన్నప్పుడు నాకు మా నాన్న ఓ మాట చెప్పాడు. హైద్రాబాద్కు వెళ్తాను నాన్న అంటే వద్దన్నాడు. అమ్మ ఏమో వెళ్లమని అంది. ఆ సమయంలో నాన్న ఓ మాట చెప్పాడు. వెళ్తే వెళ్లు.. మంచి పేరు తెచ్చుకో.. ఆకలేస్తే కులాయి నీళ్లు అయినా తాగు కానీ ఒకడి మోచేతి నీళ్లు మాత్రం తాగకు అని చెప్పాడు. అదే పాటిస్తున్నాను. నన్ను ఎవరైనా ప్రేమిస్తే నేను తిరిగి ప్రేమిస్తా.. నన్ను ద్వేషిస్తే నేను కూడా ద్వేషిస్తాను.. అది ఎవ్వరైనా సరే అని బండ్ల గణేష్ అనేశాడు.
from Telugu Movie News | Movie News in Telugu | Movie Gossips in Telugu https://ift.tt/3E5Ay4c
v
No comments:
Post a Comment