మూవీ ఆర్టిస్ట్ అసోసియేషన్ (మా) ఎన్నికలు రసవత్తరంగా మారాయి. గతంలోకంటే రంజుగా అసెంబ్లీ ఎన్నికలను తలపిస్తూ రోజు రోజుకీ ఉత్కంఠ రేపుతున్నాయి. ఇప్పటికే అధ్యక్ష బరిలో , సై అంటే సై అనడానికి రెడీ అయ్యారు. ఇప్పటికే మా ఎన్నికల్లో ఎన్నో ట్విస్టులు చోటు చేసుకున్నాయి. ఓ వర్గం నటులు మంచు విష్ణుకి మద్ధతు ఇస్తుండగా.. మరో వర్గం వారు ప్రకాష్ రాజ్కి సపోర్ట్ ఇస్తున్నారు. ఈ నేపథ్యంలో ఎవరు అధ్యక్షుడిగా గెలుస్తారు అనే విషయంలో అందరికి సందిగ్ధత ఏర్పడింది. అయితే ప్రకాష్ రాజ్ మరియు మంచు విష్ణు ఎవరి స్టైల్లో వాళ్లు కళాకారులను ఆకర్షించే ప్రయత్నం చేస్తున్నారు. తాజాగా నందమూరి నటసింహం బాలకృష్ణ మంచు విష్ణుకు మద్దతు ఇస్తున్నట్లు ప్రకటించిన విషయం తెలిసిందే. ఇందుకు సంబంధించి. ఆయనతో దిగిన ఫోటోలను కూడా విష్ణు షేర్ చేశారు. దీంతో మంచు విష్ణుకు ఎంతో బలం చేకూరింది అని అంతా అన్నారు. అయితే మరోవైపు ప్రకాష్ రాజ్ మాత్రం తనకు పెద్దల నుంచి మద్దతు అవసరం లేదని.. తను తన సత్తాతోనే గెలుస్తాను అని కామెంట్ చేశారు. ఒకవేళ ఎవరి మద్ధతు అయినా తీసుకుంటే వాళ్లను ప్రశ్నించే అవకాశం ఉండదు అంటూ ఆయన కామెంట్ చేశారు. అంతేకాదు.. తాను తెలుగువాడు కాదు అంటూ విమర్శలు చేస్తున్నారని.. కానీ.. తనని పెంచి పోషించింది తెలుగు సినీ పరిశ్రమ అంటూ ఆయన పేర్కొన్నారు. దీంతో పాటు.. తను మాట్లాడినంత తెలుగు మంచు విష్ణు ప్యానెల్లో ఉన్న ఎవరు మాట్లాడలేరు అంటూ ఆయన ఎద్దేవా చేశారు. అయితే ఈ వేడి ఇలా ఉండగానే మంచు విష్ణుకు మరో స్టార్ హీరో నుంచి మద్దతు లభించింది. రెబల్స్టార్ తనకు మద్దతు ఇస్తున్నారు అంటూ మంచు విష్ణు తాజాగా ఆయనతో కలిసి దిగిన ఫోటోలు షేర్ చేశారు. దీంతో మంచు విష్ణు ప్యానల్కు మరింత బలం చేకూరింది అంటూ సోషల్మీడియాలో వార్తలు వినిపిస్తున్నాయి.
from Telugu Movie News | Movie News in Telugu | Movie Gossips in Telugu https://ift.tt/3uFmJFn
v
No comments:
Post a Comment