కోపంతో త‌లుపు విర‌గొట్టిన దేవ క‌ట్టా... క‌న్నీళ్లు వ‌చ్చేలా గుణ‌పాఠం చెప్పార‌ట‌

వెన్నెల‌, ప్ర‌స్థానం, ఆటోన‌గ‌ర్ వంటి చిత్రాల‌తో డైరెక్ట‌ర్‌గా త‌న‌కంటూ ఓ గుర్తింపును సంపాదించుకున్నారు దేవ క‌ట్టా. ఈ ద‌ర్శ‌కుడు డైరెక్ట్ చేసిన మూవీ ‘రిప‌బ్లిక్‌’. ఈ సినిమా రిలీజ్ సంద‌ర్భంగా ఇచ్చిన ఓ ఇంట‌ర్వ్యూలో స‌మాజంలో జ‌రుగుతున్న విష‌యాల‌ను చూసిన‌ప్పుడు మీకు వ‌చ్చే కోపాన్నే సినిమా రూపంలో ఆవిష్క‌రిస్తారా? అని ప్రశ్నిస్తే, దేవ క‌ట్టా ‘నాకు చిన్నప్పుడు చాలా కోపం ఉండేది. ఆ కోపం అంతా మా నాన్న చెప్పిన గుణపాఠంతో పోయింది’ అంటూ దేవ కట్టా స్పందించారు. ‘‘చిన్న‌ప్పుడు నా కుటుంబ‌లో చెన్నైలో ఉండేది. టీనేజ్‌లో ఉన్నప్పుడు బయట ఫ్రెండ్స్‌తో క‌లిసి బ‌య‌ట‌కు వెళ్లి చాలా ఆల‌స్యంగా తిరిగి వ‌చ్చాను. దాంతో అమ్మ న‌న్ను తిట్టారు. నాకు, అమ్మ‌కు కాస్త వాగ్వాదం జ‌రిగింది. నేను కోపంతో బాత్రూమ్‌లోకి వెళ్లి కోపంతో బాత్రూమ్ త‌లుపును ఒక్క త‌న్ను త‌న్నాను. త‌లుపు విరిగిపోయింది. అప్పుడు అమ్మ ఏమీ అన‌లేదు. అయితే నాన్న చూస్తే ఏమన్నా అంటారేమోన‌ని ఫ్రెండ్ సాయం తీసుకుని కార్పెంట‌ర్‌ను పిలిపించి అపార్టెమెంట్ బ‌య‌ట త‌లుపును తీసుకొచ్చి రిపేర్ చేయించే ప‌నిలో ప‌డ్డాను. మ‌ధ్యాహ్నం భోజ‌నం వేళ‌య్యింది. నాన్న ఇంటికి వ‌చ్చారు. వ‌చ్చేట‌ప్పుడే అక్క‌డ నేను చేస్తున్న ప‌నిని గ‌మ‌నించారు. ఇంట్లోకి వెళ్ల‌గానే చేతులు, కాళ్లు శుభ్రం చేసుకోవ‌డానికి బాత్రూమ్‌లోకి వెళ్లారు. త‌లుపు లేక‌పోవ‌డాన్ని ఆయ‌న గ‌మ‌నించారు. ఏమైందని అమ్మను అడిగారు. దానికి అమ్మ ‘ఏమో మీ కొడుకునే అడ‌గండి.. వాడికంత కోపం ఎందుకు?’ అని బదులిచ్చారు. నాన్న కోపంతో న‌న్నుచావ‌గొట్టేస్తార‌ని అనుకున్నాను. కానీ ఆయ‌న ఏమీ అన‌లేదు. బెడ్‌రూమ్‌లోనే సైలెంట్‌గా ప‌డుకుని ఆలోచిస్తూ ఉండిపోయారు. ఆ సైలెన్స్‌ను నేను భ‌రించ‌లేక‌పోయాను. నెమ్మ‌దిగా నాన్న‌గారుండే రూమ్‌లోకి వెళ్లి, ఆయ‌న కాళ్ల ద‌గ్గ‌ర కూర్చున్నాను. ‘సారీ నాన్నా’ దానికి ఆయన మాట్లాడుతూ ‘కోపం చూపించడం తప్పు కాదురా! కానీ నువ్వు చూపించే కోపం ఆ త‌లుపు, గోడ‌ల‌కు అర్థం కావు. నీ కోపం ఎవ‌రి మీద‌.. అమ్మ మీద‌. వెళ్లి ఆమె గుండెల మీద కోపం త‌న్ను’ అన్నారు. ఆయ‌నలా అన‌డంతో నా గుండె బ‌ద్ద‌ల‌య్యింది. వెంట‌నే ఏడ్చేశాను. అలా నాన్న న‌న్ను తిట్ట‌కుండా చెప్పిన గుణ‌పాఠానికి నాలో మార్పు వ‌చ్చేసింది’’ అన్నారు. వెన్నెల మిన‌హాయిస్తే త‌న ప్ర‌తీ సినిమాలో పొలిటిక‌ల్ ట‌చ్ ఇస్తూ వ‌చ్చిన ఈ ద‌ర్శ‌కుడు రిప‌బ్లిక్‌లోనూ త‌న‌దైన స్టైల్‌ను చూపించారు. ప్ర‌స్తుతం ఉన్న వ్య‌వ‌స్థ‌ను ప్ర‌శ్నిస్తూ, పరిస్థితులు మారాలంటే ముందు ప్రజలే మారాలని సూచించారు.

from Telugu Movie News | Movie News in Telugu | Movie Gossips in Telugu https://ift.tt/3ixtQek
v