మూవీ ఆర్టిస్ట్ అసోసియేషన్ (మా) ఎన్నికలు ప్రస్తుతం రసవత్తరంగా మారాయి. ఇప్పటికే అధ్యక్ష బరిలో పోటీ చేస్తున్న , మధ్య మాటల యుద్ధం నడుస్తోంది. ఒకరిపై ఒకరు తీవ్రస్థాయిలో విమర్శలు చేస్తున్నారు. అయితే ఈ నేపథ్యంలో సినిమా ఇండస్ట్రీకి చెందిన పలువురు ప్రముఖులు చేస్తున్న వ్యాఖ్యలు కూడా ప్రాధాన్యత సంతరించుకుంటున్నాయి. తాజాగా నటుడు, దర్శకుడు రవిబాబు.. ‘మా’ ఎన్నికల నేపథ్యంలో చేసిన వ్యాఖ్యలు ఇప్పుడు వైరల్గా మారాయి. ప్రకాష్ రాజ్ ‘మా’ అధ్యక్ష బరిలో నిలుచున్నప్పటి నుంచి లోకల్, నాన్ లోకల్ అనే చర్చ జరుగుతున్న విషయం తెలిసిందే. ప్రకాష్ రాజ్ వేరే రాష్ట్రానికి చెందిన వాడు అని ఆయనకు అధికారం ఎలా కట్టబెడతారు అంటూ ప్రత్యర్థి బృందం వాదిస్తోంది. మరోవైపు తనను పెంచింది తెలుగు పరిశ్రమనే అంటూ కాబట్టి తాను తెలుగు వాడినే అంటూ ప్రకాష్ అంటున్నారు. తాజాగా ఈ వివాదంపై రవిబాబు కామెంట్ చేశారు. లోకల్, నాన్ లోకల్ అనే అంశంపై తాను మాట్లాడాలనుకోవడం లేదు, ఫలానా ప్యానల్కు ఓటు వేయాలని తాను చెప్పడం లేదు అని ఆయన అన్నారు. కానీ, మన దగ్గర ఎంతో మంచి క్యారెక్టర్ ఆర్టిస్టులు ఉండగా.. మన దర్శకులు, నిర్మాతలు బయట వాళ్లకే ఎక్కువ అవకాశాలు ఇస్తున్నారని ఆయన మండిపడ్డారు. కేవలం నటులలోనే కాదు. కెమెరామెన్లు, మేకప్మేన్లు.. ఇలా ఒక్కటేమిటి.. సినిమాకు సంబంధించిన చాలా విభాగాల్లో మన వాళ్లకంటే బయటవాళ్లకే ఎక్కువ ఛాన్స్లు ఇస్తున్నారని ఆయన ఆగ్రహం వ్యక్తం చేశారు. ‘‘నటీనటుల సంక్షేమం కోసం.. వాళ్ల సమస్యల పరిష్కారం కోసం మనం ఏర్పాటు చేసుకున్న చిన్న సంస్థ ‘మా’. మన కోసం మనం పెట్టుకున్నాం. అలాంటి ఒక చిన్న సంస్థలో పనిచేయడానికి కూడా మనలో ఒకడు పనికిరాడా? దీనికి కూడా మనం బయట నుంచే మనుషులను తెచ్చుకోవాలా? ఇది మన సంస్థ.. మనం నడుపుకోలేమా? మనకి చేతకాదా? ఒక్కసారి ఆలోచించండి’’ అంటూ రవిబాబు కీలక వ్యాఖ్యలు చేశారు.
from Telugu Movie News | Movie News in Telugu | Movie Gossips in Telugu https://ift.tt/3mKnFVN
v
No comments:
Post a Comment