కల్చర్ పేరిట యువత పెడదారి పడుతోంది. డ్రగ్స్, రేవ్ పార్టీస్ అంటూ అర్ధరాత్రి వేళల్లో హంగామా చేస్తూ చిక్కుల్లో పడుతున్నారు. తాజాగా ముంబై శివారులో జరిగిన ఓ రేవ్ పార్టీలో బాలీవుడ్ స్టార్ హీరో షారుఖ్ ఖాన్ తనయుడు కూడా ఉన్నట్లు తెలుస్తుండటం సంచలనంగా మారింది. తీరంలోని క్రూజ్ షిప్లో ఏర్పాటు చేసిన రేవ్ పార్టీలో మాదకద్రవ్యాలు వినియోగిస్తున్నారంటూ సమాచారం అందడంతో నార్కోటిక్స్ కంట్రోల్ బ్యూరో (ఎన్సీబీ) దాడులు చేసింది. సముద్రం మధ్య క్రూయిజ్ షిప్లో రేవ్ పార్టీ జరుగుతుందని తెలిసి ముంబై జోనల్ డైరెక్టర్ సమీర్ వాంఖడే తన బృందంతో కలిసి దాడి చేసి పలువురు యువతీయువకులను అదుపులోకి తీసుకున్నారు. ఈ పార్టీలో అధిక మొత్తంలో డ్రగ్స్ వాడుతున్నారని గుర్తించిన ఎన్సీబీ.. పెద్ద మొత్తంలో కొకైన్ స్వాధీనం చేసుకున్నట్లు తెలుస్తోంది. అయితే ఈ పార్టీలో ఆర్యన్ ఖాన్ సహా ఇంకొంతమంది సెలబ్రిటీ కిడ్స్ కూడా ఉన్నారని తెలుస్తుండటం సంచలనంగా మారింది. నార్కోటిక్స్ బృందం అదుపులోకి తీసుకున్న ఆ యువతీ యువకులను ఆదివారం ఉదయం ముంబైకి తీసుకుకొచ్చారు. ఈ వార్తతో బీటౌన్లో మరోసారి డ్రగ్స్ అంశం చర్చనీయాంశంగా మారింది. ప్రస్తుతం షారుఖ్ ఖాన్ కొడుకు ఆర్యన్ ఖాన్ వాట్సాప్ మెసేజెస్, డ్రగ్స్ పెడల్స్తో సంబంధాలు లాంటి అంశాలను లోతుగా పరిశీలిస్తోంది ఎన్సీబీ.
from Telugu Movie News | Movie News in Telugu | Movie Gossips in Telugu https://ift.tt/3a0lAyL
v
No comments:
Post a Comment