ఆర్యన్ ఖాన్ కేసులో మరో ట్విస్ట్.. డ్రగ్స్ మాత్రమే కాదు.. అశ్లీల వీడియోలతో కూడా..

బాలీవుడ్‌లో నటుడు సుశాంత్ సింగ్ రాజ్‌పుత్ మరణం తర్వాత బాలీవుడ్‌లో డ్రగ్స్ వ్యవహారం మరింత తీవ్ర రూపం దాల్చింది. సుశాంత్ మరణం నుంచి ఎన్‌సీబీ అధికారులు బాలీవుడ్‌లో డ్రగ్స్ వ్యవహారాన్ని చాలా తీవ్రంగా పరిగణలోకి తీసుకున్నారు. ప్రతీ విషయాన్ని జాగ్రత్తగా పరిశీలిస్తున్నారు. అయితే తాజాగా ఈ కేసు మరో ఊహించని మలుపు తిరిగింది. డ్రగ్స్ కేసులో బాలీవుడ్ బాద్‌షా షారుఖ్ ఖాన్ కుమారుడు.. అరెస్ట్ అయ్యారు. ముంబై సముద్ర తీరంలోని ఓ క్రూయిజ్ షిప్‌లో జరుగుతున్న పార్టీలో ఆర్యన్‌ను పోలీసులు అదుపులోకి తీసుకున్నారు. అతనితో పాటు మరో 16 మందిని పోలీసులు అరెస్ట్ చేశారు. అయితే ఈ కేసులో చాలా మంది సెలబ్రిటీల పిల్లలు ఉన్నప్పటికి.. పారదర్శకంగానే విచారణ చేస్తున్నామని ఎన్‌సీబీ అధికారులు ప్రకటించారు. ఇక కేసు విచారణ క్రమంలో ఆర్యన్ ఖాన్‌తో పాటు అరెస్ట్ అయిన వారికి అధికారులు వైద్య పరీక్షలు నిర్వహించారు. ఇక తనకు బెయిల్ మంజూరు చేయాలి అంటూ ఆర్యన్ దాఖలు చేసిన పిటీషన్‌ను ముంబై న్యాయస్థానం తిరస్కరించింది. అతనికి అక్టోబర్ ఏడు వరకూ జ్యుడిషియల్ కస్టడి విధిస్తూ ఆదేశాలు జారీ చేసింది. అయితే ఈ కేసులో తాజాగా మరో ట్విస్ట్ చోటు చేసుకుంది. అరెస్ట్ అయిన రోజే ఆర్యన్ ఫోన్‌ని పోలీసులు స్వాధీనం చేసుకున్న విషయం తెలిసిందే. అయితే ఆయన ఫోన్‌ని డీకోడ్ చేసిన అధికారులు అందులో పలు అశ్లీల వీడియోలు ఉన్నట్లు గుర్తించారు. గతంలో కూడా ఓసారి ఆర్యన్‌పై అశ్లీల వీడియోల ఆరోపణ వచ్చింది. కానీ, అది అప్పుడు రుజువు కాలేకపోయింది. కానీ ఇప్పుడు ఆయన ఫోన్‌లోనే స్వయంగా అశ్లీల వీడియోలు కనిపించడంతో.. అధికారులు ఆ కోణంలో కూడా విచారణ చేయడం ప్రారంభించారు. మొత్తానికి ఈ కేసు ద్వారా అర్యన్‌ చుట్టు ఉచ్చు బిగుసుకుపోతుంది అనే చెప్పుకోవాలి.

from Telugu Movie News | Movie News in Telugu | Movie Gossips in Telugu https://ift.tt/3lhkYvk
v