జగన్‌కి బుధమహర్ధశ.. ఆ రెండేళ్లు గండం.. 17 ఏళ్ల పాటు ఆయనే సీఎం: ఆస్ట్రాలజర్ వేణు స్వామి సంచలనం

టాలీవుడ్‌లో హాట్ టాపిక్ అవుతున్న సమంత-నాగ చైతన్య విడాకుల ఇష్యూని తన వైపుకి తిప్పుకుని సంచలనంగా మారారు ప్రముఖ సినీ ఆస్ట్రాలజర్ వేణు స్వామి. సెలబ్రిటీలకు, రాజకీయ ప్రముఖులకు జ్యోతిష్యం చెప్తూ సినీ, పొలిటికల్ ఆస్ట్రాలజర్‌గా మారిన ఈయన తాజా ఇంటర్వ్యూ సోషల్ మీడియాలో వైరల్ అవుతుంది. సరిగ్గా నాలుగేళ్ల క్రితం.. సమతం, నాగ చైతన్య పెళ్లి చేసుకోవడానికి ముందే.. వాళ్లు వైవాహిక జీవితంలో ఇబ్బందులు పడతారని.. విడిపోతారని.. సంతానం విషయంలో కూడా సమస్యలు తలెత్తుతాయని సమంత, నాగ చైతన్యలకు జాతకం చెప్పారు వేణు స్వామి. అయితే ప్రస్తుతం సమంత నాగ చైతన్య విడిపోతున్నారంటూ పుకార్లు రావడంతో వీటిని క్యాష్ చేసుకుంటూ నేను ముందే చెప్పాను కదా అని వార్తల్లోకి వచ్చాడు వేణు స్వామి. అంతేకాదు.. అఖిల్‌కి నిశ్చితార్థం అయినా పెళ్లి మాత్రం జరగదని అప్పట్లోనే చెప్పారు వేణు స్వామి. అయితే అతను చెప్పినట్టుగానే అఖిల్ పెళ్లి క్యాన్సిల్ అయిన విషయం తెలిసిందే. దీంతో వేణు స్వామి నేను చెప్పినట్టే జరిగింది అంటూ ఈ ఇష్యూని క్యాష్ చేసుకుంటున్నారు. ఇదే సందర్భంలో ఏపీ సీఎం వైఎస్ జగన్ భవిష్యత్ ఎలా ఉంటుంది.. అతని జాతకం ప్రకారం రాజకీయయోగం ఎన్నేళ్లు పాటు ఉంది? ఆయన ఎన్నేళ్లు సీఎంగా కొనసాగుతారు? ఆయనకి ఎలాంటి గండాలు ఉన్నాయి అన్నవాటిపై జోతిష్యం చెప్పుకొచ్చారు. ఆయన మాట్లాడుతూ.. ‘జగన్ గారి జాతకం ప్రకారం ఆయన్ని టార్గెట్ చేయాలి అనుకుంటే 2022 ఏప్రిల్ 25లోపు టార్గెట్ చేయాలి.. ఎందుకు అంటే ఆయనకు అష్టమశని నడుస్తోంది. అది దాటింది అంటే ఎవరూ ఏమీ చేయలేరు. 2019లో జగన్ గారికి జాతకపరంగా స్టార్ట్ అయిన ఫేజ్.. 2022 ఏప్రిల్ 1వ తేదీకి క్లోజ్ అవుతుంది. అంటే.. 2022 ఏప్రిల్ 2 నుంచి రాజకీయంగా చాలా రాష్ట్రాలలో రాజకీయపరమైన మార్పులు వస్తున్నాయి. అందులో ఏపీ ఉంది.. ఏపీ ముఖ్యమంత్రి జగన్ మోహన్ రెడ్డి ఉన్నారు. మిగిలిన రాష్ట్రాలకు ఏపీకి తేడా ఏంటి అంటే.. జగన్ మోహన్ రెడ్డి పాజిటివ్ వైపు వెళ్తున్నారు.. మిగిలిన వాళ్లు నెగిటివ్ వైపు వెళ్తున్నారు. ఏపీ అప్పుల్లో ఉంది.. పాలన బాలేదు.. ఇప్పటికిప్పుడు ఎన్నికలు వస్తే వైసీపీ ఓడిపోతుంది.. 2024లో జగన్ ముఖ్యమంత్రి కాలేరు అని వాటికి జోతిష్యం కూడా అవసరం లేదు. ప్రజలే చెప్తారు. 2024లో కూడా జగనే సీఎం. ఎలాగంటే ఆయనకు బుధమహర్ధశ స్టార్ట్ అయ్యింది. 2019లో స్టార్ట్ అయిన ఈ బుధమహర్దశ 17 ఏళ్లు పాటు ఉంటుంది. 17 ఏళ్ల పాటు ఆయనే సీఎం. అంటే ఈరోజు నుంచి 17 ఏళ్లు కాదు.. 2019 నుంచి 17 ఏళ్లు.. సీఎం పదవి ఎక్కినప్పటి నుంచి లెక్క.. అంటే మూడు సార్లు సీఎం అవుతారు. మిగిలిన రెండేళ్లలో ఆయనకు గండాలు ఉన్నాయి. వాటి గురించి తరువాత చెప్తా కానీ.. వచ్చే ఎన్నికల్లో మాత్రం జగన్ సీఎం. ఆయన సరిగా చేయడం లేదని విమర్శించినంత మాత్రాన సూపర్ స్టార్ కాకుండా ఉండడు. జగన్ నచ్చడం లేదని ఎంత డప్పు కొట్టినా ఆయన్ని సీఎం పీఠం నుంచి కదిలించలేరు. చంద్రబాబు ఎక్కడ ఉండాలో.. లోకేష్ బాబు ఎక్కడ ఉండాలో అక్కడే ఉంటారు.. వాళ్ల జాతకం అలా ఉంది. నేను ఎప్పుడో చెప్పా.. లోకేష్ బాబుకి 2024 వరకూ రాహుమహర్ధశ నడుస్తుంది భవిష్యత్ ఉండదని.. అదే నిజమైంది.. చంద్రబాబుకి మళ్లీ సీఎం అయ్యే ఛాన్స్ లేదు.. జాతకం ప్రకారం 2022 తరువాత ఆయనకి న్యాయపరమైన చిక్కులు.. ఆరోగ్యపరమైన ఇబ్బందులు తలెత్తే అవకాశం ఉంది’ అంటూ షాకింగ్ కామెంట్స్ చేశారు వేణు స్వామి.

from Telugu Movie News | Movie News in Telugu | Movie Gossips in Telugu https://ift.tt/3AI8W3k
v