MAA Elections : సమర శంఖం పూరించేశారు.. ఎన్నికల తేదీ ఎప్పుడంటే?

మూవీ ఆర్టిస్ట్ అసోసియేషన్ (మా) ఎన్నికల తేదీ వెలువడింది. ఇంత కాలం ఎప్పుడెప్పుడా? అని ఎదురుచూసిన ఆ తేదీ వచ్చేసింది. మాటిమాటికి ఎన్నికల తేదీ గురించి మాట్లాడటం, కౌంటర్లు వేయడం ఇదంతా కూడా మీడియాలో వైరల్ అవ్వడం గురించి అందరికీ తెలిసిందే. అయితే తాజాగా మా ఎన్నికలకు సంబంధించిన షెడ్యూల్ వచ్చేసింది. మా ఎన్నికలను ఎప్పుడు నిర్వహించబోతోన్నామనే దానిపై క్లారిటీ ఇచ్చారు. అక్టోబర్ 10న మా ఎన్నికలను నిర్వహించబోతోన్నట్టు ప్రకటించేశారు. మా ఎన్నికల తేదీ ప్రకటన రావడంతో అసలు కథ ఇప్పుడు మొదలు కాబోతోన్నట్టు తెలుస్తోంది. ఇప్పటి వరకు ఒక్క ప్రకాష్ రాజ్ మాత్రం అన్ని విధాల సమాయత్తమై ఉన్నారు. తన ప్యానల్‌ను ఇది వరకే ప్రకటించేశారు. ఎన్నికల్లో చేయాల్సిన పనులు, విధి విధానాలు అన్నింటిపైనా ఓ స్కెచ్ వేసుకుని ఉన్నారు. కానీ హేమ, జీవిత, , సీవీఎల్ నరసింహరావు వంటి వారు అధ్యక్ష బరిలో ఉన్నారు కానీ ఇంత వరకు తమ ప్యానల్‌ను ప్రకటించలేదు. తమ సైన్యంలో ఎవరెవరున్నారో కూడా చెప్పడం లేదు. అసలు చివరి వరకు అధ్యక్ష బరిలో ఎంత మంది ఉంటారో చెప్పడం కూడా కష్టమయ్యేట్టుంది. ఏది ఏమైనా గానీ ఈ సారి మాత్రం మంచు విష్ణు, ప్రకాష్ రాజ్ మధ్యే అసలు సిసలు పోటీ ఉండబోతోన్నట్టు కనిపిస్తోంది. ప్రకాష్ రాజ్‌కు మెగా మద్దతు లభించింది. ఇక మంచు విష్ణు నందమూరి, ఘట్టమనేని క్యాంప్ మీద ఆధారపడేట్టు కనిపిస్తోంది. ఇక ఈ ఎన్నికలు ముగిసే వరకు ఇంకా ఎవరెవరు మీడియా ముందుకు వస్తారో.. ఇంకెంత రచ్చ చేస్తారో చూడాలి.

from Telugu Movie News | Movie News in Telugu | Movie Gossips in Telugu https://ift.tt/3jdAgA8
v