నేడు (ఆగస్టు 9) సూపర్ స్టార్ . నేటితో ఆయన 46వ వసంతంలోకి అడుగుపెడుతున్నారు. ఈ సందర్భంగా పలువురు సెలబ్రిటీలు ఆయనకు పుట్టినరోజు శుభాకాంక్షలు తెలుపుతున్నారు. మరోవైపు సూపర్ స్టార్ ఫ్యాన్స్ పెద్దఎత్తున సోషల్ మీడియా ద్వారా మహేష్ బర్త్ డే మోత మోగిస్తున్నారు. కామన్ డీపీని వైరల్ చేస్తున్నారు. సోషల్ మీడియాలో ఎక్కడ చూసిన మహేష్ ఫొటోలు, బర్త్ డే విషెస్ మాత్రమే కనిపిస్తున్నాయి. ఇదిలాఉంటే మహేష్ గారాలపట్టి సితార, అలాగే భార్య నమృత మహేష్ బాబుకు ప్రత్యేకంగా బర్త్ డే విషెష్ చెప్పారు. తన ఇన్స్టాగ్రామ్లో తండ్రి గురించి పేర్కొంటూ సీతూ పాప పెట్టిన పోస్ట్ ప్రత్యేక ఆకర్షణగా నిలిచింది. ''ప్రపంచానికి మీరు సూపర్ స్టార్ అయితే మాకు మాత్రం మీరే ప్రపంచం. హ్యాపీ బర్త్డే నాన్న. ఆట, పాట, అల్లరి, డాన్స్ ఇలా అన్నింటిలోను మీరు మాకు బెస్ట్ డాడీగా ఉన్నందుకు ధన్యవాదాలు. ఇప్పుడే కాదు ఎల్లప్పుడూ మిమ్మల్ని ప్రేమిస్తూనే ఉంటాను. లవ్ యూ నాన్న'' అని పేర్కొన్న తండ్రితో కలిసి దిగిన ఓ మెమొరబుల్ పిక్ షేర్ చేసింది. ఇక మహేష్ సతీమణి మహేష్తో దిగిన రొమాంటిక్ మూమెంట్ పిక్ షేర్ చేస్తూ.. ''అప్పుడు, ఇప్పుడు అనికాదు ఎప్పటికీ నాపై ప్రేమను కురిపించే వ్యక్తి.. పుట్టినరోజు శుభాకాంక్షలు MB.. నీకు తెలిసిన దానికంటే చాలా ఎక్కువగా ప్రేమిస్తున్నా.. లవ్ యూ'' అని పేర్కొన్నారు. దీంతో సితార, నమ్రత చేసిన ఈ పోస్టులు నెట్టింట వైరల్ అవుతున్నాయి. ప్రస్తుతం పరశురామ్ దర్శకత్వంలో 'సర్కారు వారి పాట' సినిమా చేస్తున్నారు మహేష్ బాబు. ఆయన పుట్టినరోజు కానుకగా ఈ సినిమా నుంచి విడుదలైన బర్త్ డే బ్లాస్టర్ ఆన్లైన్ వేదికలపై దూసుకుపోతోంది. ఇందులో మహేష్ స్టైలిష్ లుక్, యాక్షన్ సీన్స్ చూసి ఫ్యాన్స్ ఫిదా అవుతున్నారు.
from Telugu Movie News | Movie News in Telugu | Movie Gossips in Telugu https://ift.tt/3jvjo6Q
v
No comments:
Post a Comment