విలక్షణ నటుడు గత కొన్ని రోజులుగా ఏదో ఒక విషయంలో వార్తల్లో నిలుస్తున్నారు. ‘మా’ ఎన్నికల్లో ఆయన అధ్యక్ష పదవికి పోటీ చేయడం.. ఈ క్రమంలో ఆయన చేసిన కొన్ని వ్యాఖ్యలు వివాదాస్పదం అవ్వడం.. దానికి ఇతర అభ్యర్థులు కౌంటర్లు ఇవ్వడం ఇలా చాలాకాలంగా జరుగుతూనే ఉంది. అయితే కొన్ని రోజుల క్రితం ఆయన మరోసారి వార్తల్లో నిలిచారు. ఓ సినిమా షూటింగ్ సందర్భంగా తనకి గాయం అయిందంటూ ఆయన స్వయంగా పోస్ట్ చేశారు. ప్రముఖ తమిళ హీరో నటిస్తున్న ఈ సినిమా షూటింగ్ జరుగుతున్న సమయంలో ప్రకాష్ రాజ్ ఫ్లోర్పై జారి పడ్డారు. దీంతో ఆయనకు చిన్న ఫ్రాక్చర్ అయింది. ఈ విషయాన్ని ప్రకాష్ రాజ్ స్వయంగా ట్విట్టర్ ద్వారా వెల్లడించారు. అయితే దీనిపై కూడా చాలానే చర్చ జరిగింది. ఇది ‘మా’ ఎన్నికల కోసం ప్రకాష్ చేస్తున్న స్టంట్ అంటూ కొందరు రాసుకొచ్చారు. కానీ, నిజంగానే ఆయనకు గాయం కావడం.. హైదరాబాద్లో చికిత్స చేయించుకోవడం పూర్తి అయింది. తాను గాయం నుంచి కోలుకున్నట్లు ప్రకాష్ రాజ్ ట్వట్టర్ ద్వారా వెల్లడించారు. తనకు సర్జరీ అయిన ఫోటోని ట్వీట్ చేసిన ఆయన.. ‘డెవిల్ ఈజ్ బ్యాక్’ అంటూ పేర్కొన్నారు. సర్జరీ విజయవంతంగా పూర్తయింది అని ఆయన స్పష్టం చేశారు. తనకు వైద్యం అందించిన డా.గురువరెడ్డికి.. తను త్వరగా కోలుకోవాలని ప్రార్థనలు చేసిన తన అభిమానులు, శ్రేయోభిలాషులు అందరికి ఆయన ప్రత్యేకంగా కృతజ్ఞతలు తెలిపారు. త్వరలోనే మళ్లీ షూటింగ్లలో పాల్గొంటాను అంటూ ఆయన స్పష్టం చేశారు.
from Telugu Movie News | Movie News in Telugu | Movie Gossips in Telugu https://ift.tt/3sc2oXk
v
No comments:
Post a Comment