మెగాస్టార్ సినిమాకు మొదటిసారిగా పని చేస్తున్నారు. ఇంతకు ముందు చిరు రీ ఎంట్రీ కోసం బ్రూస్ లీ సినిమాలో బ్యాక్ గ్రౌండ్ స్కోర్ కొట్టారు తమన్. అది ఇప్పటికీ చిరు ఎంట్రీకి సింబాలిక్గా వాడతారు. ఐదు నిమిషాలు చాన్స్ ఇస్తే అలా కొట్టాను అంటే.. పూర్తి సినిమా ఇస్తే నా ప్రేమ అంతా చూపిస్తాను అని తమన్ ఆ మధ్య కొన్ని ఇంటర్వ్యూల్లో చెప్పారు. అలా చిరు సినిమాకు పూర్తి స్థాయిలో పని చేసే చాన్స్ ఎప్పుడు వస్తుందా? అని తమన్ ఎదురుచూశారు. అలాంటి తమన్కు అదిరిపోయే అవకాశం వచ్చింది. చిరంజీవి ఎంతో ముచ్చటపడి చేస్తోన్న రీమేక్లో తమన్ భాగస్వామి అయ్యారు. దర్శకుడు మోహన్ రాజాతో కలిసి తమన్ మ్యూజిక్ సిట్టింగ్స్ కూడా మొదలుపెట్టేశారు. ఈ విషయాన్ని గత నెలలోనే తమన్ చెప్పేశారు. అయితే తాజాగా అదిరిపోయే అప్డేట్ను తమన్ మెగా ఫ్యాన్స్కు ఇచ్చేశారు. ఇందులోని మొదటి పాటకు తాను ఎంత కష్టపడుతున్నాడో చూపించేశారు. లూసిఫర్ కోసం ఫస్ట్ సాంగ్ను రికార్డ్ చేస్తున్నా.. నా కల నెరవేరిన రోజు ఇది. లండన్లోని అబ్బె రోడ్ స్టూడియోలో 60 ఫిల్ హార్మోనిక్ ఆర్కెస్ట్రాతో ఈ పాటను కంపోజ్ చేశాను. పెద్ద లెవెల్లో మన చిరంజీవి సెలెబ్రేషన్స్ ఉండబోతోన్నాయి.. మన ఆలోచనలు ఎంత గొప్పగా ఉంటే ఆచరణ అంతగా గొప్పగా ఉండి అంతటి ప్రభావాన్ని చూపుతాయి. ఈ అవకాశం ఇచ్చినందుకు మోహన్ రాజాకు థ్యాంక్స్. మనమంతా కలిసి మన మెగాస్టార్ లూసిఫర్ను గ్రాండ్గా సెలెబ్రేట్ చేద్దామని తమన్ అన్నారు. మొత్తానికి వచ్చే నెలలో చిరు బర్త్ డే సందర్భంగా అదిరిపోయే అప్డేట్ ఇచ్చేందుకు అంతా సిద్దం చేస్తున్నట్టు కనిపిస్తోంది.
from Telugu Movie News | Movie News in Telugu | Movie Gossips in Telugu https://ift.tt/3kXvGHE
v
No comments:
Post a Comment