మరో సీక్వెల్‌కి రెడీ అవుతున్న ఆర్‌జీవీ.. ఈసారి ఆ హాట్ సినిమాతో ప్రేక్షకుల ముందుకు?

అంటే మొదటి నుంచి కాంట్రవర్షియల్ డైరెక్టర్ అనే పేరు ఉంది. కానీ, అది ఈ మధ్యకాలంలో చాలా పెరిగిపోయింది. ఒకప్పుడు రామ్ గోపాల్ వర్మ అంటే సూపర్‌హిట్ సినిమాలకు కేరాఫ్ అడ్రస్. ‘శివ’, ‘సర్కార్’ వంటి ట్రెండ్ సెట్టింగ్‌ సినిమాలతో మొదలుపెడితే.. ‘భూత్’, ‘కౌన్’, ‘ఫూంక్’ అంటూ హారర్ చిత్రాలతో తనదైన మార్క సృష్టించారు అయన. కానీ, ఈ మధ్యకాలంలో మాత్రం వివాదాన్ని తన సక్సెస్ పాయింట్‌గా ఆయన మలచుకున్నారు. తరచూ ఏదో ఒక పాయింట్‌తో వివాదం క్రియేట్ చేస్తూ దాని ద్వారా పాపులారిటీ సంపాదించుకుంటున్నారు. ఇక కరోనా మొదటి వేవ్ సమయంలో విధించిన లాక్‌డౌన్ సమయంలోనూ ‘క్లైమాక్స్’, ‘నేక్‌డ్’, ‘నేక్‌డ్-2’ వంటి సినిమాలను విడుదల చేశారు ఆర్‌జీవి. ఈ సినిమాల విషయంలోనూ సోషల్‌మీడియాలో అవ్వాల్సిన చర్చ జరిగింది. ఎవరు ఎన్ని మాటలన్నా.. ఆర్‌జీవి మాత్రం తన ధోరణలో ఇంచు కూడా మార్చుకోలేదు. అయితే ‘రక్త చరిత్ర’ సినిమా తర్వాత వర్మ తీసిన సినిమాలు ఏవీ పెద్దగా హిట్ కాలేదు. అయినప్పటికీ తాను సినిమా తీసే ధోరణి మాత్రం అలాగే ఉంది. ఇక సినిమాలకు సీక్వెల్ తీయడంలో కూడా వర్మ దిట్టా. ‘సత్య’, ‘సర్కార్’, ‘రక్తచరిత్ర’ తదితర సినిమాలకు ఆయన సీక్వెల్స్‌ తీశారు. ఇందులో కొన్ని హిట్ అవ్వగా.. కొన్ని దారుణంగా ఫ్లాప్ అయ్యాయి. తాజాగా తాను తెరకెక్కించిన హాట్, థ్రిల్లర్ మూవీ ‘ఐస్‌క్రీమ్’కి మరో సీక్వెల్ రూపొందించేందుక వర్మ రెడీ అవుతున్నారట. తొలి భాగంలో తెలుగు ముద్దుగుమ్మ తేజస్వీ మాదివాడ హీరోయిన్‌గా నటించగా.. దానికి సీక్వెల్‌గా వచ్చిన రెండో భాగంలో జేడీ చక్రవర్తి, మృదుల ప్రధాన పాత్రలు పోషించారు. ఇప్పుడు ఈ సినిమాకు వర్మ మరో సీక్వెల్‌ని ప్లాన్ చేస్తున్నట్లు తెలుస్తోంది. ఐస్‌క్రీమ్ మూడో భాగంలో నటించే నటీనటుల వివరాలను త్వరలోనే ప్రకటించే అవకాశం ఉంది. మరి ఈ సినిమా అయినా ప్రేక్షకులను ఆకట్టుకుంటుందా.. లేదా మొదటి రెండు భాగాల్లానే ఓ మాదిరాగా ఆకర్షిస్తుందా తెలియాలంటే వేచి చూడాల్సిందే.

from Telugu Movie News | Movie News in Telugu | Movie Gossips in Telugu https://ift.tt/3BcZe9A
v