ఆత్మహత్య చేసుకోకుండా అలా.. సునీతపై అభిమాని ప్రేమ.. సింగర్ ఎమోషనల్

సింగర్ సునీతకు సోషల్ మీడియాలో ఎంతటి ఫాలోయింగ్ ఉందో అందరికీ తెలిసిందే. ఇక సునీతకు సైతం తన అభిమానులపై ప్రత్యేకమైన ప్రేమను కనబరుస్తుంటారు. మరీ ముఖ్యంగా ఎస్ఎస్ఎఫ్ (సింగర్ ఫ్యాన్స్) గురించి చెబుతూ ఎమోషనల్ అవుతుంటారు. ఆ మధ్య సునీత ఇన్ స్టాగ్రాం లైవ్‌లోకి వచ్చిన సమయంలో ఎస్ఎస్ఎఫ్ () మాట్లాడారు. ఎస్ఎస్ఎఫ్‌కి నా జీవితంలో ప్రత్యేక స్థానం ఉంటుందని, తన ప్రాణంతో సమానమని అన్నారు. అయితే ఎస్ఎస్ఎఫ్ ( ఫ్యాన్స్) ఫేస్ బుక్ పేజీలో నిత్యం కొన్ని పోస్ట్‌లు కనిపిస్తుంటాయి. సునీతను ఆదర్శంగా తీసుకుని జీవితంలో ఎదిగిన వారు, ముందుకు సాగుతున్న వారు.. సునీత వల్ల సాయం పొందిన వారు తమ తమ జీవితాల గురించి చెబుతుంటారు. అలా ఈ మధ్య ఓ అభిమాని కదిలించే పోస్ట్ పెట్టారు. దానికి సునీత సైతం స్పందించారు. సునీత ఉపద్రష్ట.. ఓ స్పూర్తి ప్రధాత అంటూ ఎస్ఎస్ఎఫ్‌లో మెంబర్ అయిన ఇందిరా ప్రియదర్శిని అనే అమ్మాయి తన జీవితం గురించి, తన జీవితంలో సునీత పాత్ర గురించి చెప్పుకొచ్చారు. ‘నాకు ప్రాణభిక్ష పెట్టిన దేవత సునీత గారు.. ఆమె పాట మనస్సుకి ప్రశాంతతనిస్తే.. ఆమె మాట మనిషికి ప్రాణం పోసింది.. ఆపదలో ఉన్న వారిని ఆదుకోవడం ఆమె ‘‘అలవాటు’’.. (కుడిచేయితో చేసిన సహాయం ఎడమ చేతికి కూడా తెలియనివ్వరు). ఆమెలో ఉన్న ఆత్మ విశ్వాసం నాలో నింపి నేను ఆత్మహత్య చేసుకోకుండా చేసింది.. ఆవిడ పలకరింపు.. (మన సొంత ఇంటి వ్యక్తి కూడా అంత స్వచ్చంగా ఉండదేమో) అప్పుడే పుట్టిన పిల్లల నవ్వులా ఉంటుంది.. ఆవిడ పక్కన ఉంటే ఆమె చుట్టూ ఉండే పాజిటివ్ ఆరానే చెప్ప్తుంది సునీత గారి మనస్సు.. ఆవిడ ఎంతో మందికి ఆదర్శం.. ఆవిడ ఎంతో మందికి ధైర్యం.. ఆవిడ పాట ఎన్నో మనస్సులకి ప్రశాంతత.. ఆవిడ నాకు దేవుడు పంపిన బహుమతి’అని ఎమోషనల్ అయ్యారు. అలా అభిమాని చెప్పిన సంగతులకు సునీత కదిలిపోయారు. నా మీద మీకు అంత నమ్మకం ఉన్నందుకు థ్యాంక్యూ అంటూ భావోద్వేగానికి లోనయ్యారు.

from Telugu Movie News | Movie News in Telugu | Movie Gossips in Telugu https://ift.tt/3xDtwA4
v