ఆ సినిమాకు నిరసన సెగ.. దానికి కారణం అదే.. ఇంతమాత్రానికే అంత రచ్చ..

ప్రపంచంలో అత్యంత ప్రభావవంతమైన మీడియా ఏదైనా ఉందంటే అది సినిమానే. సినిమా ఎంతో మందిని ఉత్తేజపరుస్తుంది. ఎంతో మందిని చైతన్యవంతులను చేస్తుంది. ఇది ఒక కోణం అయితే.. సినిమా కొందరిని పోకిరిలుగా తయారు చేస్తుంది. ఇలా సినిమా మనపై ఎంతో ప్రభావం చూపిస్తుంది. అందుకే ఒక సినిమా తీయాలి అంటే దర్శక నిర్మాతలు ఎంతో జాగ్రత్తలు తీసుకుంటారు. ప్రతీ విషయాన్ని ఒకటికి రెండు సార్లు సరి చూసుకొని మరి సినిమాను తెరకెక్కిస్తుంటారు. అయినప్పటికీ.. కొన్ని సినిమాల విషయంలో కొన్ని సందర్భాల్లో తప్పులు జరుగుతుంటాయి. గతంలో ఇలాంటి సందర్భాలు మనం ఎన్నో చూశాము. ఏదైనా సినిమాలో ఒక విషయం కాస్త తేడాగా ఉంటే చాలు.. తమ వర్గాన్ని కించపరిచారంటూ.. లేక తమ జాతిని కించపరిచారంటూ.. పలువురు రచ్చకెక్కిన సందర్భాలు అన్నీ ఇన్నీ కావు. అంతవరకూ ఎందుకు ఓ పాటలో ఒక పదం నచ్చలేదంటూ వివాదానికి తెరలేపిన సందర్భాలు కూడా ఉన్నాయి. ఆ తర్వాత ఆ సినిమాకు సంబంధించిన దర్శక నిర్మాతలు.. వివాదానికి కారణమైన వాటిని తొలగించడం.. వాటి స్థానంలో వేరే అంశాన్ని పెట్టడం జరుగుతూ వస్తోంది. తాజాగా ఓటీటీలో విడుదలకు సిద్ధంగా ఉన్న ‘’ అనే సినిమాకు ఇదే పరిస్థితి ఎదురైంది. పర్హాన్ అక్తార్ హీరోగా, మునాల్ ఠాకూర్ హీరోయిన్‌గా నటించిన ఈ సినిమా కొన్ని రోజుల్లో ఓ ప్రముఖ ఓటీటీలో విడుదల అయ్యేందుకు సిద్ధంగా ఉంది. ఈ సినిమాలో ఫర్హాన్ ఒక గ్యాంగ్‌స్టర్‌గా.. అతనిలో మార్పు తెచ్చి.. బాక్సింగ్ ఛాంపియన్‌గా మార్చే డాక్టర్ పూజా షా పాత్రలో మునాల్ నటించారు. ఇప్పుడు ఇదే ఈ సినిమాపై నిరసనకు ప్రధాన కారణమైంది. మతాంతర కథలను ప్రోత్సహించకూడదని.. ఇది సంప్రదాయానికి విరుద్ధమని కొందరు వాదిస్తున్నారు. అంతేకాదు.. గతంలో సీఏఏ బిల్లుకు జరిగిన నిరసనల్లో ఫరాన్ కూడా పాల్గొన్నాడు.. ఇది కూడా అతని సినిమాను వ్యతిరేకించడానికి కారమని తెలుస్తోంది. మరి ఈ సినిమా సజావుగా విడుదల అవుతుందా.. లేదా తెలియాలంటే కొన్ని రోజులు వేచిచూడాల్సిందే.

from Telugu Movie News | Movie News in Telugu | Movie Gossips in Telugu https://ift.tt/3xJig5e
v