ఓహో అసలు కథ ఇదేనా?.. వనిత విజయ్ కుమార్ వివాదంపై రమ్యకృష్ణ కామెంట్

ఎక్కడుంటే అక్కడే వివాదాలు చెలరేగుతాయన్న సంగతి తెలిసిందే. మూడో పెళ్లి వివాదాంతో కథ అంతా సద్దుమణిగింది.. ఇక వనిత సోషల్ మీడియాలో ఎక్కువగా కనిపించదని అంతా అనుకున్నారు. ఆ వ్యవహారం తరువాత నాల్గో పెళ్లి అంటూ రూమర్లు, వంటల వీడియోలు, ఇతర షోలతో వనిత తన పని తాను చేసుకుంటూ పోయేవారు. ఎక్కువగా కాంట్రవర్సీల్లో పేరు రాకుండా ఉంది. అయితే మళ్లీ వనిత ఓ వివాదాన్ని క్రియేట్ చేశారు. క్యాస్టింగ్ కౌచ్, మీటూ అంటూ కేవలం మగవారి వల్లే ఆడవారికి వేధింపులు కలగవని కొత్త కోణాన్ని పరిచయం చేశారు. సాటి మహిళ మరో మహిళను పని చేసే చోట వేధింపులకు గురి చేస్తుంటారని, తనను అలానే వేధించారు.. హింసించారు.. కించపరిచారు అంటూ బీబీ జోడిగల్ అనే షో నుంచి వనిత తప్పుకున్నట్టు అధికారికంగా ప్రకటించారు. ఎవ్వరైనా సరే తనను తప్పుగా అంటే ఒప్పుకోనని, అనవసరంగా మాటలు పడలేనని చెబుతూ సీనియర్ జూనియర్ అంటూ పరోక్షంగా చాలా కామెంట్లు చేశారు. మొత్తానికి షో నుంచి తప్పుకున్నట్టు వనిత కుండ బద్దలు కొట్టేశారు. అయితే వనిత చేసిన ఈ ఆరోపణలు.. జడ్జ్‌గా వ్యవహరించిన మీదే అయి ఉంటుందని టాక్ బయటకువచ్చింది. వనిత చేసిన ఓ డ్యాన్స్ పర్ఫామెన్స్‌కు రమ్యకృష్ణ కావాలనే తక్కువ మార్కులు ఇచ్చారని, అలా గొడవలు మొదలయ్యాయనే రూమర్లు వచ్చాయి. ఇవి చివరకు రమ్యకృష్ణ వద్దకు చేరాయి. వీటిపై మీడియా ప్రశ్నించగా.. ఎంతో హుందాగా సమాధానం ఇచ్చారు. ఇదే విషయాన్ని మీరు వనితను ప్రశ్నించాల్సింది.. అయినా అవన్నీ చిన్న విషయాలు నా దృష్టిలో.. ఇప్పటికీ మీరు దానిపై స్పందించమని అంటే.. నేను నో కామెంట్ అనే అంటాను అని రమ్యకృష్ణ చెప్పుకొచ్చారు.

from Telugu Movie News | Movie News in Telugu | Movie Gossips in Telugu https://ift.tt/3wlxkER
v