నేటితరం ఆడియన్స్ కథాబలమున్న సినిమాలకే పెద్ద పీట వేస్తున్నారు. వేరే భాషలో వచ్చిన మూవీ రేమేకా, లేక లో- బడ్జెట్ సినిమానా అనేది పక్కనబెట్టి కంటెంట్ ఓరియెంటెడ్ సినిమాల వైపు మొగ్గుతున్నారు. అందుకే దర్శకనిర్మాతలు సైతం ఇతర భాషా సూపర్ హిట్ సినిమాల రీమేక్స్పై దృష్టి పెట్టి వాటిని తెలుగు నేటివిటీకి అనుగుణంగా తీర్చిదిద్ది రిలీజ్ చేస్తున్నారు. ఇప్పటికే మలయాళ రీమేక్గా వెంకటేష్ 'దృశ్యం 2' రానుండగా, చిరంజీవి 'లూసిఫర్' రీమేక్ ప్రీ ప్రొడక్షన్ పనులు నడుస్తున్నాయి. అయితే తాజాగా మరో రీమేక్ కోసం రవితేజ- కలవబోతున్నారనే క్రేజీ అప్డేట్ బయటకొచ్చింది. 2019 సంవత్సరం మలయాళంలో విడుదలైన 'డ్రైవింగ్ లైసెన్స్' సినిమాను తెలుగులో రిలీజ్ చేయాలని సన్నాహాలు చేస్తున్నారట. వైవిధ్యభరితమైన కథాంశంలో ప్రేక్షకుల ముందుకొచ్చి విమర్శకుల ప్రశంసలందుకున్న ఈ మూవీ తెలుగు రీమేక్ రైట్స్ చిరంజీవి తనయుడు రామ్ చరణ్ తీసుకున్నట్లు వార్తలు వస్తున్నాయి. అంతేగాక ఇందులో పవన్ కళ్యాణ్ హీరోగా నటించే అవకాశం ఉందని టాక్ నడిచింది. అయితే ఇప్పుడు మాత్రం సడెన్గా పవన్ కళ్యాణ్ ప్లేస్లో మాస్ మహారాజ్ పేరు తెరపైకి వచ్చింది. రవితేజతో గ్రాండ్గా ఈ మూవీ రూపొందించాలని ప్లాన్ చేస్తున్నారట రామ్ చరణ్. మలయాళంలో పృథ్వీరాజ్ చేసిన పాత్రను రవితేజతో చేయించాలని అనుకుంటున్నారట. ఇక సూరజ్ చేసిన పాత్ర కోసం మరో హీరోకి వెతకాలని రామ్ చరణ్ చూస్తున్నారట. భారీ బడ్జెట్ కేటాయించి ఈ సినిమాను తెలుగులో రిలీజ్ చేయాలని చూస్తున్నట్లు టాక్ నడుస్తోంది. సో.. చూడాలి మరి రామ్ చరణ్- రవితేజ క్రేజీ కాంబోపై ఎప్పుడు అఫీషియల్ స్టేట్మెంట్ వస్తుందనేది!.
from Telugu Movie News | Movie News in Telugu | Movie Gossips in Telugu https://ift.tt/3fDihkL
v
No comments:
Post a Comment