పవన్ కళ్యాణ్ కాంబోకి సపరేట్ ఫ్యాన్ బేస్ ఉంటుంది. ఎందుకంటే ఓ అభిమాని దర్శకుడిగా మారి తన హీరోను ఎలా చూపిస్తాడో నిరూపించే చిత్రమే గబ్బర్ సింగ్. ఓ రీమేక్ సినిమాలో మార్పులు చేర్పులు చేసి అంతటి బ్లాక్ బస్టర్ హిట్ను కొట్టడం, అభిమానులకు చిరస్థాయిగా నిలిచిపోయేలా గబ్బర్ సింగ్ను మలచడం అంత ఈజీ ఏమీ కాదు. కానీ హరీశ్ శంకర్ దాన్ని అవలీలగా చేసేశారు. అలా గబ్బర్ సింగ్ కాంబో మళ్లీ రిపీట్ కావాలని అభిమానులు ఆశగా ఎదురుచూస్తూ వచ్చారు. అలా మొత్తానికి హరీశ్ శంకర్ పవన్ కళ్యాణ్ మైత్రీ మూవీస్ కాంబినేషన్లో ఓ ప్రాజెక్ట్ రాబోతోన్న సంగతి తెలిసిందే. అయితే ఈ పాటికే ఈ ప్రాజెక్ట్కు సంబంధించిన విషయాలెన్నోబయటకు వచ్చాయి. ఈ సారి కేవలం వినోదం మాత్రమే కాదంటూ కాన్సెప్ట్ పోస్టర్ను వదిలిన క్షణం నుంచే అంచనాలు మొదలయ్యాయి. అయితే ఈ మధ్య పవన్ కళ్యాణ్ హెయిర్ స్టైలిష్ట్ మాట్లాడిన మాటలు అందరినీ ఆకట్టుకున్నాయి. పవన్ కళ్యాణ్, హరీశ్ శంకర్ కలిసి ఫస్ట్ లుక్, క్యారెక్టర్ లుక్ ఎలా ఉండాలనేది నిర్ణయించారని త్వరలోనే రాబోతోందంటూ అంచనాలు పెంచేశారు. అలా ఈ PSPK28పై అంచనాలు రోజురోజుకీ పెరిగిపోతోన్నాయి. అయితే తాజాగా హరీశ్ శంకర్ మరో విషయాన్ని లీక్ చేశారు. పవన్ కళ్యాణ్ పాత్ర ఎలా ఉంటుంది? ఏవిధంగా ఉంటుంది? అనే హింట్ వదిలారు. బద్రి సినిమాలో పవన్ కళ్యాణ్ ఎనర్జీ, యాక్టింగ్ ఏ లెవెల్లో ఉంటుందో అందరికీ తెలిసిందే. అలాంటి పవన్ కళ్యాణ్ మళ్లీ చూసేందుకు రెడీగా ఉండండి అంటూ హరీశ్ శంకర్ పోస్ట్ వేశారు. దీనిపై సాయి ధరమ్ ఎంతో ఎగ్జైట్ అవుతున్నట్టు కామెంట్ పెట్టేశారు. ఇక అభిమానులు అయితే పండుగ చేసేసుకుంటున్నారు.
from Telugu Movie News | Movie News in Telugu | Movie Gossips in Telugu https://ift.tt/3A5WNFe
v
No comments:
Post a Comment