తన కుమారుడు సాధించిన విజయం చూసి ఏ తల్లయినా పొందే ఆనందం మాటల్లో చెప్పలేం. తన కొడుకును నలుగురు శభాష్ అంటుంటే చూసి ఉప్పొంగిపోతుంటుంది ఆ తల్లి. ప్రస్తుతం శిరోద్కర్ అదే ఆనందాన్ని పొందుతోంది. మహేష్ బాబు- నమ్రత కొడుకు గౌతమ్.. చిన్న వయసులోనే స్విమ్మింగ్లో రికార్డు సృష్టించి తండ్రికి తగ్గ తనయుడు అనిపించుకున్నాడు. తెలంగాణ స్టేట్ స్విమ్మింగ్ పోటీలో టాప్ 8 ఈతగాళ్ల లిస్ట్లో స్థానం సంపాదించి పలువురి చేత భేష్ అనిపించుకున్నాడు గౌతమ్. 15 ఏళ్ల వయసులోనే గౌతమ్ ఈ ఘనత సాధించడం పట్ల చాలా గర్వంగా ఉందంటూ సోషల్ మీడియాలో పోస్ట్ పెట్టింది నమ్రత. ఈ మేరకు తన సంతోషాన్ని వ్యక్తం చేస్తూ కొడుకుపై ప్రేమ కురిపించింది. 2018లోనే గౌతమ్ ఫ్రొఫెషనల్ స్విమ్మర్గా మారాడని, అప్పటినుంచి స్విమ్మింగ్లో సత్తా చాటుతున్నాడని ఆమె పేర్కొంది. బటర్ ఫ్లై, బ్యాక్ స్ట్రోక్, బ్రెస్ట్ స్ట్రోక్, ఫ్రీ స్టైల్ అనే నాలుగు పద్ధతుల్లో ఈత కొట్టగల గౌతమ్, 3 గంటల్లో 5 కిలోమీటర్లు ఈదగలడని చెప్పుకొచ్చింది. కాగా, సుకుమార్ దర్శకత్వంలో రూపొందిన ‘1 నేనొక్కడినే’ చిత్రంతో వెండితెరపై కాలుమోపాడు గౌతమ్. చైల్డ్ ఆర్టిస్ట్గా నటనతో మెప్పించి మహేష్ అభిమానులను ఖుషీ చేశాడు. ఇప్పుడు మరోసారి ఈ అరుదైన ఫీట్ సాధించి అభిమానులతో పాటు తన తల్లిదండ్రులు గర్వపడేలా చేశాడు. ఇక మహేష్ సినిమాలంటారా.. ప్రస్తుతం పరశురామ్ దర్శకత్వంలో 'సర్కారు వారి పాట' మూవీ చేస్తున్నారు. కీర్తి సురేశ్ హీరోయిన్గా నటిస్తున్న ఈ సినిమా కోసం మహేష్ ఫ్యాన్స్ ఆతృతగా ఎదురు చూస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3wM4Gxu
v
No comments:
Post a Comment