పాన్ ఇండియా స్టార్ సినిమాలకు ఏ రేంజ్ డిమాండ్ ఉంటుందో ప్రత్యేకంగా చెప్పాల్సిన అవసరం లేదు. జయాపజయాలతో సంబంధం లేకుండా యంగ్ రెబల్ స్టార్ తన జోష్ కంటిన్యూ చేస్తున్నారు. 'బాహుబలి' లాంటి భారీ హిట్ తర్వాత 'సాహో' సినిమాతో డిజాస్టర్ మూటగట్టుకొని ఇప్పుడు ''రాధేశ్యామ్, సలార్'' అంటూ వరుసపెట్టి రెండు బిగ్గెస్ట్ సినిమాలను లైన్లో ఉంచారు ప్రభాస్. అయితే తాజాగా '' సినిమా గురించి బయటకొచ్చిన ఓ విషయం ప్రభాస్ అభిమానుల్లో ఆనందోత్సాహాలు నింపుతోంది. జిల్ ఫేమ్ రాధాకృష్ణ దర్శకత్వంలో 'రాధేశ్యామ్' సినిమా రూపొందుతున్న సంగతి తెలిసిందే. ప్రభాస్- పూజా హెగ్డే జంటగా నటిస్తున్న ఈ సినిమా కోసం ప్రేక్షకలోకం ఎప్పటినుంచో ఎదురుచూస్తోంది. పలు కారణాల వల్ల రిలీజ్ ఆలస్యమైనప్పటికీ సినిమా మాత్రం ఓ రేంజ్లో ఉండటం పక్కా అని తెలుస్తుండటంతో ఈ మూవీపై భారీ హైప్ నెలకొంది. ఈ పరిస్థితుల నడుమ ప్రముఖ ఓటీటీ సంస్థ అమెజాన్ ప్రైమ్ ఈ మూవీ హక్కుల కోసం వందల కోట్ల డీల్ నిర్మాతల ముందుంచిందనేది లేటెస్ట్ సమాచారం. ప్రస్తుతం కరోనా కారణంగా ప్రేక్షకులు థియేటర్స్కి వచ్చే సిచుయేషన్ కనిపించడం లేదు. దీంతో పలు సినిమాలు ఓటీటీ బాట పడుతున్నాయి. ఇటీవలే సల్మాన్ ఖాన్ 'రాధే' సినిమాను జీ సంస్థ 250 కోట్లకు పైగా ఖర్చు చేసి ఓటీటీ హక్కులను దక్కించుకుంది. పైగా పే పర్ వ్యూ పద్దతిలో విడుదల చేసి సక్సెస్ అయ్యారు. ఇప్పుడు ప్రభాస్ రాధేశ్యామ్ విషయంలోనూ అదే పద్దతిలో వెళ్లాలని ప్లాన్ చేసిన అమెజాన్ ప్రైమ్.. ఏకంగా 400 కోట్ల రూపాయల డీల్ యూవీ క్రియేషన్స్ ముందు పెట్టిందట. గతంలో కూడా ఈ సినిమా కోసం పలు ఓటీటీ సంస్థలు భారీ ఆఫర్స్ ఇచ్చాయి. నెట్ఫ్లిక్స్ 300కోట్లు చెల్లించాడానికి రెడీ అన్నా కూడా యూవీ సంస్థ ఆ ఆఫర్ని రిజెక్ట్ చేసింది. మరి ఇప్పుడు అమెజాన్ ప్రైమ్ ఇస్తున్న ఈ ఆఫర్ చూసి రాధేశ్యామ్ నిర్మాతలు ఓటీటీ వైపు మొగ్గుతారా? లేక ఇంకాస్త సమయం తీసుకొని అయినా థియేటర్స్ లోనే విడుదల చేస్తారా? అనేది చూడాలి మరి.
from Telugu Movie News | Movie News in Telugu | Movie Gossips in Telugu https://ift.tt/3inBPeT
v
No comments:
Post a Comment