ఆడవాళ్లని చెడగొట్టడం అతని హాబీ.. ఆ రాస్కెల్స్ మొన్న ఏం చేశారో చూశాం కదా.: నిర్మాత సురేష్ బాబు షాకింగ్ కామెంట్స్

అనేది సినిమా ఇండస్ట్రీలోనే కాదు.. అన్ని రంగల్లోనూ ఉండే చీకటి భాగోతం. ఆఫర్ల పేరుతో పడక సుఖం కోరుకుని శారీరకంగా అనుభవించడం.. వాళ్లకి ఎదురు తిరిగితే కెరియర్ లేకుండా తొక్కేయడం లాంటివి ఈ క్యాస్టింగ్ కౌచ్‌లో కనిపించే అరాచకాలు. అయితే టాలీవుడ్‌లో ఈ క్యాస్టింగ్ కౌచ్ అనేది పరిశ్రమ ఏర్పడక ముందు నుంచి ఉన్నప్పటికీ.. వివాదాస్పద నటి శ్రీరెడ్డి అర్థనగ్న ప్రదర్శనతో హాట్ టాప్ అయ్యింది. ఈ ఇష్యూలో నిర్మాత కొడుకు అభిరామ్ తనను అవకాశాల పేరుతో శారీరకంగా వాడుకుని వదిలేశాడంటూ శ్రీరెడ్డి అప్పట్లో పెద్ద దుమారమే రేపింది. ఆ తరువాత చాలామంది హీరోయిన్లు ఈ తెర చాటు బాగోతాలను బహిర్గతం చేసిన విషయం తెలిసిందే. కాగా ఈ క్యాస్టింగ్ కౌచ్ ఉదంతంపై ఓపెన్ అయ్యారు నిర్మాత సురేష్ బాబు. అప్పట్లో ఓ మీడియా ఛానల్‌కి ఇచ్చిన ఇంటర్వ్యూ ఆయన మాట్లాడుతూ చెప్పిన విషయాలు ప్రస్తుతం యూట్యూబ్‌లో వైరల్ అవుతున్నాయి. ఇంతకీ ఆయన క్యాస్టింగ్ కౌచ్ గురించి ఏమన్నారంటే.. ‘క్యాస్టింగ్ కౌచ్ అనేది అనుకోని ఘటన. ఇది ఈనాటి కథ కాదు.. గత కొన్నేళ్లుగా పురాణాల నుంచి వస్తోన్న అలవాటు. దేశానికి రాజైన వాడు.. అక్కడ దొరికే నగలు, డబ్బుతో పాటు అక్కడున్న ఆడవాళ్లని చెడగొట్టడం లాంటివి అతని లైఫ్‌లో భాగం అది అతని హాబీ. అది రాను రాను అది ఇలా రూపాంతరం చెందింది. మన సొసైటీలో ఉమెన్ కొన్ని సందర్భాల్లో మెన్ కంటే శక్తివంతమైనది. ఊళ్లల్లో అతనికి వేరే ఆమె ఉండేదంట అంటే ఎవరూ అడిగేవారు కాదు. ఇద్దరు ముగ్గురు భార్యలు ఉన్నా.. వేరే మహిళలతో సంబంధం ఉన్నా ఎవరూ పట్టించుకునేవారు కాదు. అవన్నీ కూడా లైఫ్‌లో భాగం అయిపోయింది. అయితే మెల్ల మెల్లగా మహిళలు ప్రశ్నించడం మొదలుపెట్టారు.. ఇలాంటి వాటిని యాక్సెప్ట్ చేయడం లేదు. మా తాతల కాలంలో ఎవరికైనా గర్ల్ ఫ్రెండ్స్ ఉంటే.. భార్యలు అంగీకరించేవారు. ఇవాళ ఎలా ఉందంటే.. వాళ్ల మొగుడు వేరే వాళ్లతో తిరిగితే తన్ని తరిమేస్తుంటారు. ఎందుకంటే వాళ్లు ఇండిపెండెంట్‌గా సంఘంలో బతకగలరు. అందుకే పరిస్థితులు మారాయి.. సొసైటీ మారింది. ఏది ఏమైనా మహిళల్ని లోబరుచోవడం లాంటి వాటిని యాక్సెప్ట్ చేయకూడదు. ఆడవాళ్లని ఛీట్ చేయడం మంచి పద్దతి కాదు. నా అభిప్రాయం ప్రకారం.. ఒక వ్యక్తి పరాయి మహిళతో సంబంధం పెట్టుకోవడం అనేది చాలా తప్పు. మహిళ ఎలాగైతే భర్తే లోకంగా ఉంటుందో.. ఆ వ్యక్తి కూడా అలాగే నిజాయతీగా ఉండాలి. ఎవరితోనో సంబంధం పెట్టుకొని, భార్యను మోసం చేయడం చాలా తప్పు. అందుకే నేను ఎప్పుడూ చాలా స్ట్రెయిట్ లైఫ్ లీడ్ చేస్తుంటాను. మీపై ఎందుకు నెగటివ్ న్యూస్ రాదని గతంలో నన్ను ఓ ఇంటర్వ్యూలో అడిగారు. ఒక భర్తగా నా భార్యను నేను ఛీట్ చేయను అని చెప్పా. ఈరోజుల్లో అమ్మాయిలు ఎలా ఉన్నారంటే చాలా అగ్రిసివ్.. కాన్ఫిడెంట్‌గా ఉండి.. తమ రైట్స్ కోసం పోరాడటానికి సిద్ధంగా ఉన్నారు. కానీ.. అదే సొసైటీలో దెయ్యాలు.. దరిద్రులు ఇంకా ఉన్నారు. మొన్న కూడా చూశాం.. ఏం చేశారో.. రాస్కెల్స్!! వాళ్లని కాల్చి చంపేస్తే నేర్చుకుంటారా? పాకిస్థాన్, సౌదీలలో కాల్చి చంపేస్తున్నారు. కానీ అక్కడ కూడా ఇలాంటి అఘాయిత్యాలు జరుగుతూనే ఉన్నాయి. ఎక్కడా ఆగిపోలేదు. ఏదైనా ఊర్లో ఇలాంటి దరిద్రం ఆగిపోయిందని ఉందా.. లేదు. అమెరికాలో ఇంకో దేశంలో ఎక్కడైనా జరిగేది జరుగుతూనే ఉంది. అయితే కొన్ని ఊళ్లలో ఎక్కువ జరుగుతుంది.. కొన్ని ఊళ్లలో తక్కువ జరుగుతుంది. అది హ్యూమన్ వీక్నెస్. ఆ మనిషిలో ఆ టైంలో అది ఎందుకు వస్తుందో తెలియదు. అది వచ్చినప్పుడు వాడు అలా చేస్తాడు. అది చాలా రాంగ్ ట్రీట్. దొంగతనం ఎందుకు చేస్తాడు? అబద్ధం ఎందుకు చెప్తాడు? చెడ్డ మాటలు ఎందుకు మాట్లాడతాడు? ఇవన్నీ రాంగ్ థింగ్స్.. అదో దరిద్రం.. దాన్ని వీలైనంత వరకూ కంట్రోల్ చేయగలగాలి. అది అంత ఈజీ కాదు కానీ.. దాని కోసం పనిచేయాలి’ అంటూ చెప్పుకొచ్చారు నిర్మాత సురేష్ బాబు.

from Telugu Movie News | Movie News in Telugu | Movie Gossips in Telugu https://ift.tt/3v84KpH
v