టాలీవుడ్ సెన్సేషనల్ స్టార్ క్రేజ్ గురించి ప్రత్యేకంగా చెప్పాల్సిన పని లేదు. సినిమా సినిమాకు అంచలంచెలుగా ఎదుగుతున్నారు.అర్జున్ రెడ్డి సినిమాతో ఒక్కసారిగా వెలుగులోకి వచ్చిన విజయ్ దేవరకొండకు.. గీతగోవిందం, టాక్సివాలా వంటి హిట్లు పడ్డాయి. మధ్యలో ఫ్లాపులు పలకరిచినా కూడా విజయ్ ఇమేజ్ ఏమాత్రం చెక్కుచెదరలేదు. సినిమాల పరంగానే కాకుండా విజయ్ దేవరకొండకు వ్యక్తిగతంగానూ అభిమానులున్నారు. సామాజిక స్పృహ ఉన్న విజయ్ దేవరకొండకు సోషల్ మీడియాలో ఫుల్ డిమాండ్ ఉంది. కరోనాపై అవగాహన కల్గించేందుకు ఎన్నో మంచి మాటలు చెప్పిన విజయ్ గతేడాది మిడిల్ క్లాస్ ఫండ్ అంటూ ఎంతో మందికి సాయం చేశారు. విజయ్ దేవరకొండ ఫౌండేషన్ ద్వారా ఎన్నో సేవా కార్యక్రమాలు చేస్తున్నారు. రౌడీ అనే బ్రాండెడ్ బట్టల వ్యాపారంతో ఎంతో మందికి ఉపాధిని కల్పిస్తున్నారు. అలా విజయ్ దేవరకొండకు ఉన్న సేవా గుణానికి ఎంతో మంది అభిమానులున్నారు.తాజాగా విజయ్ దేవరకొండ ఓ వీడియోను షేర్ చేశారు. ఇందులో కరోనా కిట్ల గురించి అందరికీ అవగాహన కల్పించారు. ఓ స్వచ్చంద సంస్థ ఉచితంగా ఇస్తోన్న కరోనా కిట్ల గురించి విజయ్ దేవరకొండ చెప్పుకొచ్చారు. ‘మాస్క్ ధరించడం, భౌతిక దూరంపాటించడం ఎంత ముఖ్యమో మన శరీరానికి ఇమ్యూనిటీ పెంచుకోవడం అంతే ముఖ్యం. ఇలాంటి సమయంలోనే ధని యాప్ చేస్తోన్న కార్యక్రమం గురించి మీకు చెప్పాలి. దాదాపు 25 లక్షల కిట్లను ధని యాప్ ఉచితంగా ఇచ్చేందుకు ముందుకు వచ్చింది. ఈ వీడియోను అందరికీ షేర్ చేయండి. అవసరమైన వారు సద్వినియోగం చేసుకోండి’ అని విజయ్ అన్నారు.
from Telugu Movie News | Movie News in Telugu | Movie Gossips in Telugu https://ift.tt/2Svjp15
v
No comments:
Post a Comment