నా భార్య కులం ఏంటో.. చిరంజీవి వల్ల బయటపడింది: రాజమౌళి తండ్రి విజయేంద్ర ప్రసాద్

నిజమే.. ఆయన కలం నుంచి కథ పుట్టుకొచ్చిందంటే కలెక్షన్ల కోటలు బద్దలు కావాల్సిందే.. భాషతో సంబంధం లేకుండా బాక్సాఫీస్ షేక్ కావాల్సిందే. ప్యాన్ ఇండియా రైటర్‌గా ఎన్నో బ్లాక్ బస్టర్ హిట్ చిత్రాలకు కథలు అందించిన రాజమౌళి తండ్రి విజయేంద్ర ప్రసాద్ అంటే ప్రపంచ వ్యాప్తంగా పేరు ఉంది. తాజాగా ఆయన ఓ ఇంటర్వ్యూలో పాల్గొని పలు ఆసక్తికరమైన విషయాలను తెలియజేశారు. తన కొడుకు రాజమౌళి గురించి.. ఆర్ ఆర్ ఆర్ సినిమా గురించి.. అందులో ఫైట్స్ గురించి పలు లీక్స్ ఇచ్చారు. వీటితో పాటుగా తన భార్య గురించి కూడా పర్సనల్ విషయాలను పంచుకున్నారు. తమది కులాంతర వివాహం అని తెలియజేసిన ఆయన.. తన భార్య కులం ఏంటో తెలియకుండానే పెళ్లి చేసుకున్నానని చెప్పారు. అయితే మెగాస్టార్ చిరంజీవి వల్ల తన భార్య కులం ఏంటి అన్నది తరువాత తెలిసిందన్నారు. ఆమెను ప్రేమించి పెళ్లి చేసుకున్నానని చెప్పిన .. పెళ్లి టైంలో ఆమె కులం ఏంటి అన్నది తనకు తెలియదన్నారు. అయితే ఆమె చిరంజీవి విరాభిమాని అని మాత్రం తెలుసన్నారు. అయితే చిరంజీవి కనిపించిన ప్రతిసారీ.. మా చిరంజీవి.. మా చిరంజీవి అని అనేదని.. అయితే ఒకానొక సందర్భంలో.. ‘మాట్లాడితే మా చిరంజీవి అంటావ్ ఎందుకు’ అని అడగడంతో.. అప్పుడు తెలిసింది ఇద్దరిదీ ఒకటే కులం అని.. అందుకే మా చిరంజీవి అంటుందని.. నిజానికి చిరంజీవి వల్లే తన భార్య కులం ఏంటో తనకి తెలిసిందని చెప్పుకొచ్చారు విజయేంద్రప్రసాద్. అయితే తన కొడుకు రాజమౌళి బాహుబలి సక్సెస్ చూడకుండా ఆమె చనిపోయిందని.. ఆర్నెళ్లపాటు కోమాలో ఉండి తరువాత చనిపోయిందని చెప్పారు విజయేంద్రప్రసాద్.

from Telugu Movie News | Movie News in Telugu | Movie Gossips in Telugu https://ift.tt/34MdabH
v