వీడియో: బాలయ్య డైలాగ్‌తో మిల్కీ బ్యూటీ రచ్చ.. పెంపుడు కుక్కని విసిగిస్తూ ‘డోంట్ ట్రబుల్ ద ట్రబుల్’

తన తొలి చిత్రం నుంచి ఇప్పటివరకూ అదే అందాన్ని మెయిన్‌టేన్ చేస్తూ.. కుర్రాళ్ల మనస్సు దోచుకుంటుంది మిల్కీ బ్యూటీ తమన్నా. కేవలం గ్లామర్ మాత్రమే కాదు.. మంచి నటన, అద్భుతమైన డ్యాన్స్ ఇలా తమన్నాలో లేని క్వాలిటీ లేదు అనడంలో అతిశయోక్తి లేదు. ఇక స్క్రీన్‌పై కనిపించింది అంటే థియేటర్లలో ఈలల మోత మోగాల్సింది. ఆమె గ్లామర్ చూసి ఫిదా అవ్వని ప్రేక్షకులు ఉండరు. దాదాపు 14 సంవత్సరాల క్రితం వెండి తెరపై అడుగుపెట్టిన ఈ భామ.. అప్పటి నుంచి స్టార్ హీరోయిన్‌గానే కొనసాగుతుంది. ఇక వెండితెరతో పాటు ఓటీటీలలో కూడా తమన్నా తన సత్తా చాటుకుంటుంది. కొద్ది రోజుల క్రితం ‘లెవన్త్ అవర్’ అనే వెబ్‌సిరీస్‌ మంచి సక్సెస్ సాధించింది. తాజాగా మరో ఓటీటీలో ఆమె నటించిన ‘నవంబర్ స్టోరీ’ కూడా సూపర్ హిట్ అయింది. దీంతో సినిమాలతో పాటు.. పలు వెబ్‌సిరీస్‌లతో కూడా బిజీగా ఉంటుంది తమన్నా. ఇక సోషల్‌మీడియాలోనూ తమన్నా చాలా యాక్టివ్‌గా ఉంటుంది. తనకు సంబంధించిన వివరాలను ఆమె ఎప్పటికప్పుడు ఫ్యాన్స్‌తో పంచుకుంటుంది. తాజాగా తమన్నా ఓ ఆసక్తికర వీడియోని షేర్ చేసింది. ఈ వీడియోలో తమన్నా.. హాయిగా తన పెంపుడు కుక్కని విసిగిస్తున్నారు. ఇందులో మరో విశేషమైన అంశం ఏంటంటే.. ఈ వీడియోకి తమన్నా.. నందమూరి బాలకృష్ణ చెప్పిన ప్రముఖ డైలాగ్‌ ‘డోంట్ ట్రబుల్ ద ట్రబుల్’ను ఆమె క్యాప్షన్‌గా పెట్టింది. ఈ వీడియో ప్రస్తుతం వైరల్ అవుతోంది.

from Telugu Movie News | Movie News in Telugu | Movie Gossips in Telugu https://ift.tt/3zhd7Ta
v