నా వెనుక సీఎం కేసీఆర్, జగన్! చిరంజీవిని లాగడం ఎందుకు? ప్రకాష్ రాజ్ సంచలన వ్యాఖ్యలు

మూవీ ఆర్టిస్ట్ అసోసియేషన్ () ఎలక్షన్స్ మళ్ళీ రావడంతో ఫిలిం నగర్ వాతావరణం వేడెక్కింది. 'మా' అధ్యక్ష ఎన్నికల బరిలో సీనియర్ నటుడు ప్రకాష్ రాజ్‌, మంచు మోహన్ బాబు తనయుడు హీరో మంచు విష్ణు, జీవిత రాజశేఖర్, హేమ లాంటి వారు ఉండటంతో ఈ ఎలక్షన్స్ గురించి జోరుగా చర్చలు నడుస్తున్నాయి. అయితే తాజాగా ప్రకాష్ రాజ్‌ తన ప్యానల్ సభ్యులతో ప్రెస్ మీట్ నిర్వహించి ఆసక్తికర వ్యాఖ్యలు చేశారు. నాన్ లోకల్ పర్సన్ అంటూ తనపై వస్తున్న విమర్శలను తిప్పికొడుతూ కామెంట్స్ చేశారు. ఈ మధ్యకాలంలో ఎక్కువగా లోకల్‌, నాన్‌లోకల్‌ అని వింటున్నానని.. కళాకారులు లోకల్‌ కాదు యూనివర్సల్‌ అని ఆయన తెలిపారు. కళాకారులు వెలుగులాంటి వాళ్లు అని, భాషతో వాళ్లకు సంబంధం ఉండదని చెప్పిన .. గతేడాది ఎన్నికల్లో నాన్‌లోకల్‌ అనే అంశం రాలేదు. మరి ఇప్పుడు ఎందుకు వచ్చింది? అని ప్రశ్నించారు. మాది సినిమా బిడ్డల ప్యానల్‌ అని తెలిపిన ఆయన పదవి కోసం పోటీ చేయడం లేదని, పని చేయడం కోసం పోటీలో ఉన్నామని అన్నారు. గత నాలుగైదు రోజులుగా వస్తున్న పుకార్లు.. తనపై వస్తున్న ఆరోపణలపై ప్రకాష్ రాజ్ వివరణ ఇచ్చారు. మీడియాలో వస్తోన్న ఊహాగానాలు చూస్తుంటే భయమేస్తుందని, తన వెనుక తెలంగాణ సీఎం కేసీఆర్ ఉన్నారని కొందరు, మంత్రి కేటీఆర్ ఉన్నారని ఇంకొందరు, ఏపీ సీఎం కూడా ఉన్నారని మరికొందరు కామెంట్స్ చేస్తుండటం చూస్తుంటే ముందు ముందు అమెరికా ప్రెసిడెంట్ బైడన్ పేరు కూడా వస్తుందేమో అనిపిస్తోందని అన్నారు. ఇలాగే ఈ వార్తలు కొనసాగొద్దని ఈ ప్రెస్ మీట్ పెట్టినట్లు చెప్పారు. ఇది రాజకీయ పోటీ కాదని, ఇందులో వర్గాలు లేవని ప్రకాష్ రాజ్ చెప్పారు. తాను ఎవరి వర్గం కాదని, కేవలం చిత్తశుద్దితో పనిచేసే, ప్రశ్నించే సత్తా ఉన్న వారితో ఈ పోటీలో నిలుస్తున్నామని తెలిపారు. మా ఎన్నికల వ్యవహారంలో చిరంజీవిని ఎందుకు లాగుతున్నారనే విషయం అర్ధం కావడం లేదని ఆయన అన్నారు. నాగార్జున, వెంకటేష్ లాంటి వాళ్లు బయటకు రావాల్సిన అవసరం లేదని చెప్పిన ప్రకాష్ రాజ్.. ఎవరినీ బయటకు లాగకుండా చర్యలు తీసుకొంటున్నామని చెప్పుకొచ్చారు. సినిమా పరిశ్రమలో అందరూ అందరికీ కావాల్సిన వారే అని ఈ సందర్భంగా ఆయన తెలిపారు.

from Telugu Movie News | Movie News in Telugu | Movie Gossips in Telugu https://ift.tt/3zXEmTd
v