బిగ్ బాస్‌ నుంచి పాయల్‌కి పిలుపు.. తెరపైకి వచ్చిన క్రేజీ అప్‌డేట్!

కరోనా కేసులు తగ్గుముఖం పడుతుండడంతో ఎంటర్టైన్మెంట్ ఇండస్ట్రీ క్రమంగా ఊపిరి పీల్చుకుంటోంది. ముఖ్యంగా సంవత్సరానికి ఒక సీజన్ ప్లాన్ చేసుకునే బిగ్ బాస్ నిర్వాహకులకు ఇది మంచి ఊరట అనే చెప్పాలి. బిగ్ బాస్ నిర్వాహకులు ఇప్పటికే కంటెస్టెంట్ల ఎంపిక మొదలుపెట్టారని, కొంతమందిని ఫైనలైజ్ కూడా చేశారని జోరుగా వార్తలు షికారు చేస్తున్నాయి. అయితే Rx 100 ఫేమ్ కూడా ఈ లిస్టులో ఉందని, బిగ్ బాస్ సీజన్- 5లో ఒక కంటెస్టెంట్‌గా ఆమె ఎంపికైందని తెలుస్తోంది. గతంలో అర్చన, స్వాతి దీక్షిత్ లాంటి హీరోయిన్లు బిగ్ బాస్‌లో అడుగుపెట్టినా కూడా వాళ్లందరికంటే పాయల్ స్టార్ డం పెద్దది కాబట్టి, ఐదవ సీజన్ బిగ్ బాస్‌కి పాయల్ మంచి మైలేజ్ తెచ్చే అవకాశం ఉంటుందనే టాక్ నడుస్తోంది. ఇకపోతే ఈ ఐదవ సీజన్ కూడా నాగార్జున హోస్ట్ చేయబోతున్నారు. ప్రోమో కూడా ఇంకో పది రోజుల్లో షూట్ చేసి, జులై మొదటి వారంలో ఆ ప్రోమోని విడుదల చేయాలని సన్నాహాలు చేస్తున్నట్లుగా తెలుస్తోంది. గత నాలుగు సీజన్ల బిగ్ బాస్ పెద్ద సక్సెస్ కావడంతో ఈ ఐదవ సీజన్ పై భారీ అంచనాలు నెలకొన్నాయి. అందుకు తగ్గట్టుగానే నిర్వాహకులు ఈసారి బిగ్ బాస్ సెట్‌ని గత సీజన్లకంటే భిన్నంగా, భారీగా ప్లాన్ చేస్తున్నారు. ప్రైజ్ మనీ కూడా పెంచనున్నట్లుగా సమాచారం. మరి ఆ అంచనాలను అందుకుంటూ ఎప్పటిలాగే ఈ సీజన్ కూడా దుమ్ము దులుపుతుందా అనేది చూడాలి మరి!.

from Telugu Movie News | Movie News in Telugu | Movie Gossips in Telugu https://ift.tt/2Tfvzem
v