Allu Arjun : పంది, నక్క అంటూ దారుణమైన తిట్లతో ట్రోలింగ్.. ఎన్టీఆర్-బన్నీ ఫ్యాన్స్ రచ్చ

అభిమానులకు తమ హీరోలపై ఎంతటి పిచ్చి ఉంటుందో అందరికీ తెలిసిందే. మరీ ముఖ్యంగా అభిమానానికి పరాకాష్టగా కోలీవుడ్, టాలీవుడ్ నిలుస్తుంది. తమ హీరోలను ఎవ్వరు ఒక్క మాట అన్నా కూడా ఊరుకోరు. తమ హీరోనే గొప్ప, దైవం అన్నట్టుగా ఫ్యాన్స్ వ్యవహరిస్తుంటారు. ఇక సోషల్ మీడియా యుగంలో అయితే తమ అభిమాన హీరోలను కీర్తించడం కంటే మిగతా హీరోలను కించపర్చడమే ఎక్కువగా జరుగుతోంది. ఈ ఫ్యాన్స్ వార్ రోజురోజుకీ ఎక్కువ అవుతుంది. తాజాగా , అభిమానులు ట్విట్టర్‌లో యుద్దానికి దిగారు. ఒకరిపై ఒకరు తిట్టుకుంటా ట్వీట్లతో వాగ్వాదానికి దిగారు. తమ హీరోనే గొప్ప అంటూ అవతలి హీరో మైనస్ పాయింట్లను, నెగెటివ్ సైడ్‌ను ప్రొజెక్ట్ చేసేందుకు ట్వీట్లతో కుస్తీ పడుతున్నారు. ఈక్రమంలో ఎన్టీఆర్, బన్నీ ఫ్యాన్స్ హద్దులు దాటుతున్నట్టు అనిపిస్తోంది. పంది, నక్క అంటూ దారుణంగా ట్రెండ్ చేస్తున్నారు. దర్శక నిర్మాతలను తారక్ ఎక్కువగా బ్లాక్ మెయిల్ చేస్తాడని, తనతోనే సినిమాలు తీయాలని ఒత్తిడి చేస్తాడంటూ బన్నీ ఫ్యాన్స్ ఓ హ్యాష్ ట్యాగ్‌తో ట్రెండ్ చేస్తున్నారు. CharacterLessPigNTR, BLACKMAIL PIG అంటూ బన్నీ ఫ్యాన్స్ ట్రోల్ చేస్తున్నారు. ఎన్టీఆర్ ఫ్యాన్స్ రంగంలోకి దిగి బన్నీ పరువుతీస్తున్నారు. InsecureFoxAlluArjun అంటూ అల్లు అర్జున్‌ను ఆటాడుకుంటున్నారు. ఐకాన్ స్టార్ అంటూ తనది తాను ప్రకటించుకోవడంపైనా సెటైర్లు వేస్తున్నారు. ఇలా బన్నీ, ఎన్టీఆర్ ఫ్యాన్స్ ట్విట్టర్‌లో చేస్తోన్న రచ్చ ఇప్పుడు అందరినీ ఆకర్షిస్తోంది. అయితే ఈ ట్వీట్ల యుద్దం ఎందుకు? ఎప్పుడు? ఎలా మొదలైందన్నది మాత్రం తెలియడం లేదు. ఇప్పుడు CharacterLessPigNTR, InsecureFoxAlluArjun అనే హ్యాష్ ట్యాగ్‌లు మాత్రం నెట్టింట్లో నేషనల్ వైడ్ ట్రెండ్ అవుతున్నాయి. దీంతో బన్నీ, ఎన్టీఆర్ ఫ్యాన్స్ మధ్య ఉన్న బేధాభిప్రాయాలు బయటపడ్డాయి.

from Telugu Movie News | Movie News in Telugu | Movie Gossips in Telugu https://ift.tt/3zCToh3
v