డైరెక్ట్ తెలుగు సినిమాకి రెడీ అయిన విజయ్.. స్టార్ డైరెక్టర్‌తో టాలీవుడ్‌లోకి ఎంట్రీ!

తమిళ స్టార్ హీరో ‘దళపతి’ విజయ్‌కి తెలుగులోనూ మంచి ఫ్యాన్ ఫాలోయింగ్ ఉంది. కోలీవుడ్ తర్వాత ఆయన సినిమాలకు మంచి మార్కెట్ ఉంది టాలీవుడ్‌లోనే. ఆయన సినిమాలు ఏకకాలంలో రెండు భాషల్లో విడుదల అయి.. విజయం సాధిస్తున్నాయి. అయితే ఇప్పటివరకూ విడుదలైన విజయ్ సినిమాలు అన్ని డబ్బింగ్ సినిమాలే. ఆయన ఇప్పటివరకూ నేరుగా టాలీవుడ్‌లో సినిమా చేయలేదు. ఇప్పుడు తెలుగులో నేరుగా సినిమా చేసేందుకు విజయ్ రెడీ అవుతున్నారని తెలుస్తోంది. ఈ ఏడాది జనవరిలో విజయ్ ‘మాస్టర్’ సినిమాతో ప్రేక్షకుల ముందుకు వచ్చారు. లోకేశ్ కనగరాజ్ దర్శకత్వంలో రూపొందిన ఈ సినిమా సూపర్ హిట్‌గా నిలిచింది. తమిళంతో పాటు తెలుగులోని సినిమాకు మంచి ఆదరణ లభించింది. అయితే ఈ సినిమా తర్వాత నెల్సన్ కుమార్ దర్శకత్వంలో విజయ్ మరో సినిమా చేస్తున్నారు. విజయ్ కెరీర్‌లో 65వ సినిమా కావడంతో ఈ సినిమాపై భారీగా అంచనాలు ఉన్నాయి. అయితే ఈ సినిమా తర్వాత విజయ్ నేరుగా తెలుగులో సినిమా చేస్తున్నారనే టాక్ బలంగా వినిపిస్తోంది. స్టార్ డైరక్టర్ దర్శకత్వంలో విజయ్ తన తెలుగు సినిమా చేయనున్నారట. ఇప్పటికే వంశీ.. విజయ్‌ని కలిసి స్క్రిప్ట్ వినిపించారనే తెలుస్తోంది. ఇక కథ విన్న విజయ్ సూత్రప్రాయంగా ఓకే చెప్పారని కూడా సమాచారం. పూర్తి స్క్రిప్ట్‌ని మరోసారి విన్నాక విజయ్ తన అభిప్రాయం తెలిపే అవకాశం ఉంది. అయితే ఈ సినిమా ఓకే అయితే.. దిల్ రాజు దీన్ని నిర్మించనున్నారట. ఈ సినిమాని దాదాపు ఐదు భాషల్లో పాన్ ఇండియా సినిమాగా రూపొందించే ప్లాన్ చేస్తున్నారట. మరి ఈ వార్తలో ఎంత వరకూ నిజం ఉందో అనే విషయంలో క్లారిటీ లేదు.

from Telugu Movie News | Movie News in Telugu | Movie Gossips in Telugu https://ift.tt/3nHsfUA
v