అనుష్క శర్మ.. సినీ, క్రీడాభిమానులు ఈ భామ సుపరిచితం. సినిమాల పరంగా కెరీర్ పీక్ స్టేజ్లో ఉండగా ఇండియన్ క్రికెటర్ విరాట్ కోహ్లీని ప్రేమించి పెళ్లాడింది అనుష్క. అప్పటినుంచి ఆమె ఫేమ్ రెట్టింపయింది. పద్దెనిమిదేళ్ల వయసులో ‘రబ్ నే బనాదీ జోడీ’ సినిమాతో వెండితెరపై కాలుమోపిన ఈ బ్యూటీ.. నిన్న (మే 1) తన 33వ పుట్టినరోజు వేడుక జరుపుకుంది. ఈ సందర్భంగా తన వ్యక్తిగత విషయాలకు సంబంధించిన మ్యాటర్స్ బయటపెట్టింది అనుష్క. ఆర్మీ కుటుంబంలో పుట్టిన తొలుత మోడలింగ్ చేసి ఆ తర్వాత సినిమాల్లోకి ఎంట్రీ ఇచ్చింది. తొలి సినిమాలోనే షారుక్ఖాన్ సరసన నటించి ఆ తర్వాత స్టార్ హీరోయిన్గా ఎదిగింది. అయితే తొలి చిత్రం తర్వాత అనుష్కకు రెండేళ్ల గ్యాప్ వచ్చింది. ఆ సమయంలో కొన్ని ఇబ్బందులు ఎదుర్కొన్నానని అనుష్క చెప్పింది. ఇక తన కాలేజీ రోజుల్లో ఎదుర్కొన్న అనుభవాలపై ఆమె ఓపెన్ అయింది. ''నేను కాలేజ్లో ఉన్నప్పుడే మోడలింగ్పై ఆసక్తి ఉండేది. అయితే కాలేజ్లో ‘నువ్వు ఏం అంత అందంగా ఉన్నావ్? కేవలం సన్నగా నాజూకుగా ఉన్నావు తప్ప పెద్దగా గ్లామర్ ఏమీ లేదు’ అని కామెంట్లు చేసేవారని, ఆ మాటలకు చాలాసార్లు బాధపడ్డా'' అని అనుష్క చెప్పుకొచ్చింది. అలాగే తన తొలి చిత్రం ‘రబ్ నే బనాదీ జోడీ’ సినిమా తర్వాత కలలన్నీ తారుమారయ్యాయని.. ఉత్తమ నూతన నటిగా ఫిలింఫేర్ అవార్డ్ అయినా దక్కుతుందని భావించి ఆ వేడుకకి వెళితే ఆ అవార్డు కూడా నోచుకోలేదని, దాంతో అప్పుడు కూడా కన్నీళ్లు ఆగలేదని అనుష్క తెలిపింది. ఆ సమయంలో వేదిక వెనక్కి వెళ్లి ఏడుస్తుంటే అమితాబ్ బచ్చన్ వెనుక నుంచి వచ్చి ‘రబ్ దే బనాది జోడీ’ చూశా.. అందులో మీ నటన చాలా బాగుందని చెప్పడం చాలా ఆనందాన్నిచ్చిందని, ఆయన మాటే అవార్డుగా భావించానని పేర్కొంది. హీరోయిన్గానే కాకుండా నిర్మాతగానూ ప్రేక్షకుల్ని అలరించిన అనుష్క శర్మ.. 2017 డిసెంబరులో విరాట్ కోహ్లీని పెళ్లి చేసుకుంది. ఇటీవలే విరాట్- అనుష్క జోడీ పండంటి బిడ్డకు జన్మనిచ్చిన సంగతి తెలిసిందే.
from Telugu Movie News | Movie News in Telugu | Movie Gossips in Telugu https://ift.tt/3vymyLs
v
No comments:
Post a Comment