అప్పుడు మహేశ్‌తో.. ఇప్పుడు పవన్‌తో.. త్రివిక్రమ్ భలే స్కెచ్ వేశాడుగా.. అదే జరిగితే ఫ్యాన్స్‌కి పండగే

దాదాపు 11 సంవత్సరాల తర్వాత సూపర్‌స్టార్ , మాటల మాంత్రికుడు కాంబినేషన్‌లో ఓ సినిమా తెరకెక్కుతున్న విషయం తెలిసిందే. ‘ఎస్ఎస్ఎమ్‌బీ28’ అనే వర్కింగ్ టైటిల్‌తో హారిక అండ్ హాసిని క్రియేషన్స్ బ్యానర్‌పై రాధాకృష్ణ(చినబాబు) ఈ చిత్రాన్ని నిర్మించనున్నారు. అనౌన్స్‌మెంట్ వీడియోతోనే ఈ సినిమాపై అభిమానులు భారీగా అంచనాలు పెంచుకున్నారు. గతంలో వీరిద్దరి కాంబినేషన్‌‌లో వచ్చిన ‘అతడు’, ‘ఖలేజా’ సినిమాలకు ఇప్పటికీ క్రేజ్ తగ్గలేదు. దీంతో మరోసారి అలాంటి అద్భుతమైన సినిమా ఈ కాంబోలో రావాలంటే అభిమానులు ఎదురుచూస్తున్నారు. అయితే అభిమానుల అంచనాలకు తగ్గట్టే సినిమాను ప్లాన్ చేస్తున్నాడట త్రివిక్రమ్. గతంలో మహేశ్‌ని ఎప్పుడూ చూడని ఓ డిఫరెంట్ క్యారెక్టర్‌లో చూపించే ప్రయత్నం చేస్తున్నాడట. ఇప్పటికే ఈ సినిమా కథ, టైటిల్ విషయంలో సోషల్‌మీడియాలో వార్తలు స్టార్ట్ అయ్యాయి. అతడు సినిమాలో మహేశ్ బాబు క్యారెక్టర్ పేరు ‘పార్థు’ని ఈ సినిమా టైటిల్‌గా అనుకుంటున్నారనే వార్తలు వస్తున్నాయి. మరోవైపు ఈ సినిమా ఖలేజాకు సీక్వెల్‌గా ఉండబోతుందనే టాక్ కూడా ఉంది. ఈ సినిమా కోసం త్రివిక్రమ్ ఓ గ్రాండ్ స్కెచ్ వేశారట. తెలుగులో ఎక్కువ శాతం పవన్‌, మహేశ్ అభిమానుల మధ్య గొడవలు జరుగుతుంటాయి. మా హీరో గొప్పా అంటూ మా హీరో గొప్ప అంటూ ఇరువురు అభిమానులు కొట్టుకుంటూ ఉంటారు. అయితే రెండు వర్గాల అభిమానులను ఈ సినిమాతో సర్‌ప్రైజ్ ఇవ్వాలని త్రివిక్రమ్ అనుకుంటున్నాడట. ఇద్దరు హీరోలకు మంచి ఫ్రెండైన త్రివిక్రమ్ పవన్‌కళ్యాణ్‌తో ఈ సినిమాకు వాయిస్‌ ఓవర్ ఇప్పించనున్నారని టాక్. గతంలో పవన్, త్రివిక్రమ్ కాంబోలో వచ్చిన ‘జల్సా’ సినిమాకి మహేశ్ బాబు వాయిస్ ఓవర్ ఇచ్చాడు. అది సినిమాకి చాలా ప్లస్ పాయింట్ అయింది. ఇప్పుడు మహేశ్ సినిమాకు పవన్ వాయిస్ ఓవర్‌ ఇస్తే.. అది ఫ్యాన్స్‌కి ఓ పండుగలానే ఉంటుంది. మరి ఈ వార్తపై క్లారిటీ రావాలంటే ఇంకొన్ని రోజులు వేచి చూడాలి.

from Telugu Movie News | Movie News in Telugu | Movie Gossips in Telugu https://ift.tt/2SpvG6W
v