‘ఇంట్లో కూర్చొని ఆ వీడియో చూడండి.. దెబ్బ మీ భయం పోతుంది’.. మంచు లక్ష్మి ట్వీట్

రెండో దశలో కరోనా మహమ్మారి తీవ్రస్థాయిలో వ్యాప్తి చెందుతోంది. ప్రతీ రోజు లక్షల సంఖ్యలో కేసులు నమోదు అవుతుండటంతో.. మరోసారి దేశవ్యాప్తంగా లాక్‌డౌన్ విధించాలనే వాదనలు వినిపిస్తున్నాయి. అయితే ప్రభుత్వం ఈ సమస్యకు లాక్‌డౌన్ పరిష్కరం కాదని.. ప్రజలే స్వీయనియంత్రణ పాటించాలంటూ సూచిస్తున్నాయి. అవసరముంటే తప్పా ఇళ్ల నుంచి బయటకు రావొద్దని.. వచ్చిన కనీసం రెండు మాస్కులు ధరించాలని పదేపదే చెబుతున్నాయి. వైద్యులు కూడా ఇదే విషయాన్ని చెబుతున్నారు. అయినప్పటికీ దాదాపు చాలా మంది తగిన జాగ్రత్తలు పాటించడం లేదు. అవసరం ఉన్నా.. లేకున్నా.. ఇళ్ల నుంచి బయటకు వస్తున్నారు. చాలా మంది మాస్కులు ధరించడం లేదు. ఇది కరోనా వ్యాప్తికి ప్రధాన కారణంగా కనిపిస్తోంది. అయితే ప్రజల్లో తగిన అవగాహన కల్పించేందుకు సెలబ్రిటీ తమ వొంతు కృషి చేస్తున్నారు. ప్రతీ ఒక్కరు దయ చేసి ఇంట్లోనే ఉండాలని.. లేకుంటే ప్రాణ హాని తప్పదంటూ సోషల్‌మీడియాలో పోస్టులు చేస్తున్నారు. తాజాగా తెలుగు నటి కూడా ఇదే విషయాన్ని తనదైన పద్దతిలో చెబతూ ట్వీట్ చేసింది. కరోనా వ్యాప్తి గురించి మీడియాలో వస్తున్న కథనాలు చూసి చాలా మంది భయాందోళనకు గురవుతున్నారు. కరోనా రాక ముందే తమకు వచ్చిందనే అనుమానంతో కొందరు ప్రాణాలు కూడా కోల్పోయారు. దీనిపై మంచు లక్ష్మీ స్పందిస్తూ.. ‘‘దయచేసి ఇంట్లోనే ఉంటూ.. మీ పెళ్లి వీడియోని చూడండీ.. దెబ్బకి మీకు ఉండే ఇతర భయాలు అన్నీ దూరమవుతాయి’’ అంటూ ట్వీట్ చేసింది. దీనిపై ఆమె ఫాలోవర్లు భిన్నంగా స్పందిస్తున్నారు. కొందరు ఈ సలహా బాగుందంటూ కామెంట్ చేస్తుంటే.. మరికొందరు ‘ఇంకా మాకు పెళ్లి కాలేదు మరి మేమేం చేయాలి’ అంటూ రియాక్ట్ అవుతున్నారు. ఇటీవల మంచు లక్ష్మీ చేసిన కొన్ని ట్వీట్లపై విమర్శలు వచ్చాయి. తెలంగాణ మంత్రి కేటీఆర్‌కు కరోనా సోకడంతో ఆయన త్వరగా కోలుకోవాలని చెబుతూ.. దొరికిన ఖాళీ సమయంలో తన సినిమాలు చూడాలంటూ ట్వీట్ చేసింది. దీనిపై ఫ్యాన్స్ సెటైర్లు వేశారు. ఆ తర్వాత ‘‘ఉదయమే మూడు ట‌కీలా షాట్లు కొట్టేసి ఆ తర్వాత ఒక బ్లాక్ కాఫీ తాగగలరా.. జస్ట్ ఆస్కింగ్!!’’ అంటూ ఆమె ట్వీట్ చేసి నెటిజన్ల నుంచి విమర్శలు ఎదురుకుంది.

from Telugu Movie News | Movie News in Telugu | Movie Gossips in Telugu https://ift.tt/2RpsSWI
v