ఫ్యాన్స్‌కి గుడ్ న్యూస్.. ఆసుపత్రి నుంచి డిశ్చార్జయిన దీపికా పదుకొనే తండ్రి

దిగ్గజ బ్యాడ్మింటన్ క్రీడాకారుడు, బాలీవుడ్ నటి తండ్రి కొద్ది రోజుల క్రితం కరోనా బారిన పడిన విషయం తెలిసిందే. ప్రకాశ్ పదుకొనేతో పాటు ఆయన భార్య, దీపికా, చిన్న కుమార్తె అనిశాకి కూడా కరోనా పాజిటివ్ అని నిర్ధారణ అయింది. ముందు వీరంతా తమ ఇంట్లోనే ఉంటూ చికిత్స తీసుకున్నారు. అయితే ప్రకాశ్ పదుకొనే ఆరోగ్యం విషమించడంతో ఆయన్ని బెంగళూరులోని ఓ ప్రైవేటు ఆస్పత్రిలో చేర్పించారు. తీవ్ర జ్వరం ఉండటంతో.. మే 1వ తేదీన ప్రకాశ్ పదుకొనే ముందు జాగ్రత్త చర్యగా ఆస్పత్రిలో చేరారు. అక్కడే ఆయనకు కరోనా పరీక్షలు నిర్వహించగా.. ఫలితం పాజిటివ్‌గా వచ్చింది. ఆ తర్వాత కుటుంబసభ్యులకు కూడా కరోనా పాజిటివ్ అని నిర్ధారణ అయింది. అయితే ఆరోగ్యం నిలకడగా ఉండటంతో ప్రకాశ్ పదుకొనేని శనివారం డిశ్చార్జ్ చేశారు. ఈ విషయం ప్రకాశ్ పదుకొనే మిత్రుడు విమల్ కుమార్ మీడియాకు వెల్లడించారు. ‘‘అతను శనివారం డిశ్చార్జై ఇంటికి చేరుకున్నాడు. ప్రస్తుతం అతని ఆరోగ్యం నిలకడగా ఉంది. కుటుంబ సభ్యులు కూడా ఆరోగ్యంగా ఉన్నారు’’ అని ఆయన పేర్కొన్నారు. ఇక ప్రస్తుతం దీపికా తన భర్త రణ్‌వీర్ సింగ్ నటిస్తున్న ‘83’ అనే సినిమాలో నటిస్తోంది. ఈ సినిమాతో పాటు ఇంగ్లీష్‌లో సూపర్‌హిట్‌గా నిలిచిన ‘ది ఇంటర్న్’ అనే సినిమా హిందీ రీమేక్‌లో ఆమె అమితాబ్ బచ్చన్‌తో కలిసి నటిస్తోంది. తొలుత ఈ పాత్ర కోసం రిషి కపూర్‌ని అనుకున్నారు. కానీ, ఆయన అకస్మాత్తుగా మరణించడంతో అమితాబ్‌ని ఆ పాత్రలోకి తీసుకున్నారు. దీంతో పాటు దీపికా పఠాన్, ఫైటర్ తదితర సినిమాల్లో నటిస్తోంది.

from Telugu Movie News | Movie News in Telugu | Movie Gossips in Telugu https://ift.tt/3y6xEtg
v