బిగ్ బాస్- 5పై నీలి నీడలు.. చివరకు మేనేజ్‌మెంట్ అలా ప్లాన్ చేసిందా? ఇదీ లేటెస్ట్ అప్‌డేట్

బుల్లితెరపై భారీ రెస్పాన్స్ తెచ్చుకున్న రియాలిటీ షో బిగ్ బాస్. ఓ వైపు ఇదంతా స్క్రిప్టెడ్ అంటూ విమర్శలు వెల్లువెత్తినా బిగ్ బాస్ ప్రోగ్రాం హవాకు మాత్రం ఎక్కడా బ్రేకులు పడలేదు. తెలుగుతో పాటు అన్ని భాషల్లోనూ ఇదే పరిస్థితి. బుల్లితెర షోస్ అన్నింటిలోకెల్లా ఈ షోకు భారీ టీఆర్పీ దక్కింది. దీంతో ఎలాంటి పరిస్థితులు ఎదురైనా బిగ్ బాస్ నిర్వహించాలని మేనేజ్‌మెంట్ ప్లాన్స్ చేస్తున్నారు. కానీ తాజా సిచుయేషన్‌లో అవేవీ వర్కవుట్ కాకపోవచ్చనే టాక్ బయటకొచ్చింది. బిగ్ బాస్ ప్రోగ్రాంను తెలుగు ప్రేక్షకులకు దగ్గర చేశారు జూనియర్ ఎన్టీఆర్. సీజన్ వన్‌లో యమ అట్రాక్ట్ చేసిన ఆయన బిగ్ బాస్ పట్ల ప్రేక్షకుల్లో ఆసక్తి నెలకొల్పారు. దీంతో తదుపరి సీజన్స్ భారీ రెస్పాన్స్ తెచ్చుకున్నాయి. బిగ్ బాస్ వస్తుందంటే చాలు ఆడియన్స్ టీవీలకు అతుక్కుపోయే పరిస్థితి వచ్చేసింది. దీంతో ప్రతి ఏడాది సరికొత్తగా ప్లాన్ చేస్తూ బిగ్ బాస్ ద్వారా వినోదం పంచుతున్నారు నిర్వాహకులు. అయితే దేశాన్ని గడగడలాడిస్తున్న కరోనా మహమ్మారి బిగ్ బాస్‌ను కూడా దెబ్బ కొట్టేసిందని టాక్ మొదలైంది. కరోనా విజృంభణ కారణంగా ఈ ఏడాది బిగ్ బాస్ ఉండకపోవచ్చని తెలుస్తోంది. చూస్తుండగానే బిగ్ బాస్ తెలుగు నాలుగు సీజన్స్ సక్సెస్‌ఫుల్‌గా కంప్లీట్ చేసింది. ఇప్పుడు 5వ సీజన్ కోసం ప్రేక్షకులు ఎంతగానో ఎదురు చూస్తున్నారు. అయితే దీనిపై ఇప్పుడు నీలినీడలు కమ్ముకున్నాయని తెలుస్తుండటం అందరికీ షాకింగ్ పరిణామంగా మారింది. నిజానికి గతేడాది కూడా కారోనా మహమ్మారి కారణంగా బిగ్ బాస్ కొన్ని నెలలు ఆలస్యంగా మొదలైంది. అంతకుముందు బిగ్ బాస్-4 క్యాన్సిల్ అవ్వొచ్చు అనే రూమర్స్ కూడా షికారు చేశాయి. కానీ చివరకు 106 రోజుల పాటు ప్రేక్షకులను ఫుల్లుగా ఎంటర్‌టైన్ చేశాడు బిగ్ బాస్. ఇక మెల్లగా పరిస్థితులు చక్కబడుతున్నాయి.. ఈ ఏడాది బిగ్ బాస్-5 జూన్‌లోనే స్టార్ట్ అవుతుందని అంతా భావించారు. ఇంతలో కరోనా మహమ్మారి మరోసారి కాటేసింది. కోవిడ్ సెకండ్ వేవ్ ఉదృతి మరింత పెరగడంతో ఉన్నపళంగా ఎవరికివారు అన్ని సినిమాల షూటింగ్స్ నిలిపివేశారు. ఐపిఎల్ కూడా ఎంత హడావిడిగా మొదలైందో అంతే అర్ధాంతరంగా మధ్యలోనే ఆగిపోయింది. దీంతో ఇప్పుడు బిగ్ బాస్ కూడా అదే పరిస్థితిలో ఉందని ఫిలిం నగర్‌లో టాక్ నడుస్తోంది. గత సీజన్ లాగే కొన్ని నెలలు ఆలస్యంగా బిగ్ బాస్ సీజన్- 5 ప్రారంభించాలని మేనేజ్‌మెంట్ సన్నాహాలు చేసిందట. కానీ రోజురోజుకూ పెరుగుతున్న కరోనా ఉదృతి చూసి రిస్క్ చేయొద్దనుకుంటున్నారట. ఈ ఏడాది బిగ్ బాస్‌కి బ్రేక్ ఇస్తే బెటర్ అనే ఆలోచనలో మేనేజ్‌మెంట్ ఉందని విశ్వసనీయ వర్గాల సమాచారం. దీంతో 2022లోనే బిగ్ బాస్-5 ఉంటుందనే ప్రచారం ఊపందుకుంది. సో.. చూడాలి మరి తాజాగా వస్తున్న ఈ వార్తలపై బిగ్ బాస్ టీం ఎలా స్పందిస్తుందనేది.

from Telugu Movie News | Movie News in Telugu | Movie Gossips in Telugu https://ift.tt/3evJHZ9
v