ఎప్పుడూ లాజిక్స్ ప్లే చేస్తూ ప్రతి విషయాన్ని తనదైన కోణంలో విశ్లేషించే తాజాగా ఓ మీడియాతో ముచ్చటిస్తూ పరిస్థితుల గురించి మాట్లాడారు. దేశంలో విలయతాండవం చేస్తున్న కరోనాపై సెన్సేషనల్ కామెంట్స్ చేస్తూ రాజకీయ వర్గాలపై సెటైరికల్ కామెంట్స్ చేశారు. ముఖ్యంగా పవర్ స్టార్ పవన్ కళ్యాణ్కి కరోనా సోకడంపై వర్మ చేసిన కామెంట్స్ వైరల్ అవుతున్నాయి. తాను పవన్ కళ్యాణ్ ఫ్యాన్ని అని చెబుతూనే అనాల్సిన మాటలన్నీ అనేశారు. పవన్ కళ్యాణ్ని కరోనా పాజిటివ్ అని తెలిసిన వెంటనే పీకే ఫ్యాన్స్కి ఎక్కడో కాలేలా వరుస ట్వీట్స్ చేసిన వర్మ.. మరోసారి తాజా ఇంటర్వ్యూలో ఓపెన్ అయ్యారు. కంటికి కనిపించని నీచమైన పురుగు కూడా హీరో పవన్ కళ్యాణ్ని ఇలాంటి దయనీయమైన స్థితిలో పడుకోబెట్టిందంటూ సెటైర్స్ వేస్తూనే తన మనసులో మాట చెప్పారు. మేము సినిమా వాళ్లం కాబట్టి జనాన్ని ఎంటర్టైన్ చేయడమే లక్ష్యంగా పవన్పై అలా ట్వీట్స్ పెట్టాను తప్ప వేరే సదుద్దేశం గానీ, దురుద్దేశం గానీ లేదని వర్మ చెప్పారు. ''పవన్ కళ్యాణ్ రాజకీయాలు చేస్తున్నారు.. ఇటు సినిమాలు చేస్తున్నారు. అయితే గాంధీ గారి సమయం నుంచే పొలిటిషన్స్ ఎవరైనా హాస్పిటల్లో ఉంటే జనం సానుభూతి లభిస్తుంది. అదే పవన్ కళ్యాణ్ కూడా కంటిన్యూ చేశారని నాకు అనిపించింది. కాకపోతే పవన్ ఫ్యాన్గా ఆయన బెడ్పై నీరసంగా పడుకోవడం చాలా ఇబ్బందిగా అనిపించింది. పవన్ ఫ్యాన్స్ అందరికీ కూడా ఇది నచ్చదు. పవన్ కళ్యాణ్ లాంటి స్టార్ హీరో వైరస్ని పట్టి తన్నేయాలి. కానీ అలా పడుకోవడమేంటి? అందుకే ఆవేదనతో అలా ట్వీట్ చేశా'' అని ఆర్జీవీ చెప్పారు. కొండల్ని పిండి చేసే పవన్ కళ్యాణ్ ఆఫ్ట్రాల్ కంటికి కనిపించని వైరస్కి ఫ్లాట్ అయితే ఇక హీరోయిజం ఏది? అని ప్రశ్నిస్తూనే తన స్టైల్ లాజిక్స్ మాట్లాడారు వర్మ. పవన్ లాంటి సుప్రీంని అలా చూడటం ఇష్టం లేకే అలాంటి ట్వీట్స్ పెట్టానని ఆర్జీవీ అన్నారు. వకీల్ సాబ్ కలెక్షన్స్, దగుల్బాజీ ఫ్యాన్స్ అనడంపై రియాక్ట్ అవుతూ.. వేరే హీరో ఫ్యాన్స్ అలా అంటున్నారు కాబట్టి దానిపై నా స్పందన తెలిపాను తప్ప ఇంకోటి లేదని ఆయన అన్నారు. ఇక తిరుపతి ఎలక్షన్ సందర్భంగా పవన్ కళ్యాణ్ రిలీజ్ చేసిన ఆడియోకి కౌంటర్గా తాను కూడా ఓ ఆడియో రిలీజ్ చేయబోతున్నట్లు తెలిపారు. తన వాయిస్ తోనే ఉండే ఈ ఆడియో రేపో, ఎల్లుండో విడుదల కానుందంటూ ఆటం బాంబ్ పేల్చారు. పవన్ కళ్యాణ్కి తనకంటే పెద్ద ఫ్యాన్ ఈ భూ ప్రపంచంలో లేడు అంటూ పవన్ దేవుడని, తాను భక్తుడిని అని చెబుతూ సెటైర్స్ వేశారు వర్మ. ఎలక్షన్స్ లోపు వైరస్ నిర్మూలన కోసం తన ఆడియో ద్వారా పవన్కి కొన్ని సలహాలు ఇవ్వబోతున్నా అని తెలిపారు. దీంతో వర్మ- పవన్ కళ్యాణ్ ఇష్యూ మరోసారి చర్చల్లో నిలిచింది.
from Telugu Movie News | Movie News in Telugu | Movie Gossips in Telugu https://ift.tt/3ty5Pas
v
No comments:
Post a Comment