వకీల్ సాబ్ థియేటర్‌లో చేయి కోసుకుని రక్తంతో స్క్రీన్‌పై PSPK అని రాస్తూ.. పవన్ ఫ్యాన్ జుగుప్సాకరమైన వీడియో

అభిమానులందు అభిమానులు వేరయా అనేట్టుగానే ఉంటాయి వీరి చేష్టలు. దాన్ని అభిమానం అనాలో పిచ్చి అనాలో లేదంటే అంతకు మించి అనాలో తెలియదు కానీ.. కొంతమంది పిచ్చ అభిమానుల చేష్టలు చూస్తే మాత్రం అరాచకానికి పరాకాష్టగానే ఉంది. పవర్ స్టార్ పవన్ కళ్యాణ్ పొలిటికల్ ఎంట్రీ తరువాత రీ ఎంట్రీ మూవీ కావడంతో ‘వకీల్ సాబ్‌’ కోసం ఎంతో ఆసక్తిగా ఎదురుచూశారు ఆయన అభిమానులు. ఇక ఈ చిత్రానికి హిట్ టాక్ రావడంతో సంబరాలు చేసుకున్నారు. కొన్నిచోట్ల ఈ సంబరాలు అంబరాన్ని అంటితే.. మరికొన్ని చోట్ల పారాకాష్టకి చేరాయి. అత్యుత్సాహంతో థియేటర్స్‌ని పగలకొట్టేసి.. కుర్చీలు విరగొట్టి.. స్క్రీన్స్‌ని చింపేశారు. చాలా చోట్ల టిక్కెట్లు దొరక్క బుకింగ్స్‌ దగ్గర కొట్లాటలు జరగ్గా.. థియేటర్స్ పాక్షికంగా ధ్వంసం అయ్యాయి. ఇక పవన్ కళ్యాణ్‌పై తమకు ఉన్న అభిమానాన్ని ఒక్కొక్కరు ఒక్కో విధంగా చూపిస్తుండగా.. ఒక అభిమాని అయితే ఏకంగా చేయి కోసేసుకున్నాడు. అత్యంత జుగుప్సాకరంగా అనిపిస్తున్న ఈ వీడియోను పవన్ కళ్యాణ్ అభిమానులు షేర్ చేస్తూ ‘సముద్రమంత అభిమానం’ అని అంటున్నారు. ఈ వీడియోలో పవన్ కళ్యాణ్ ఒకరు.. తన చేతిని కోసుకుని ఆ రక్తంతో ‘’ ప్రదర్శించబడుతున్న స్క్రీన్‌పై ‘pspk’ అని రాస్తూ కనిపించాడు. అభిమానం ఉండాలి కానీ మరీ ఈ రేంజ్‌లోనా దీన్ని అసలు అభిమానం అంటారా లేక పిచ్చా అంటూ నెటిజన్లు స్పందిస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/3tbJYWl
v