బాలీవుడ్ అందాల నటి ప్రస్తుతం వరుస సినిమాలతో బిజీగా ఉంది. దర్శకధీరుడు ఎస్ఎస్ రాజమౌళి డైరెక్షన్లో తెరకెక్కుతున్న ప్రతిష్టాత్మక చిత్రం ‘ఆర్ఆర్ఆర్’లో అల్లూరి సీతారామ రాజు పాత్రలో నటిస్తున్న రామ్ చరణ్ సరసన సీతగా నటిస్తోంది ఆలియా. ఈ సినిమాలో ఆమె ఫస్ట్లుక్ పోస్టర్ని ఇటీవల విడుదల చేయగా.. మంచి రెస్పాన్స్ వచ్చింది. మరోవైపు బాలీవుడ్లో ‘గంగూబాయి కతియావాడి’ అనే సినిమాలోనూ ప్రధాన పాత్ర పోషిస్తోంది. స్టార్ డైరెక్టర్ సంజయ్ లీలా భన్సాలీ దర్శకత్వంలో తెరకెక్కుతున్న ఈ సినిమా టీజర్ ఇటీవల విడుదలైన ప్రేక్షకాదరణ పొందింది. ముఖ్యంగా టీజర్లో ఆలియా నటనపై సర్వత్ర ప్రశంసల వర్షం కురిసింది. అయితే ఈ సినిమాని పాన్ ఇండియా మూవీగా విడుదల చేయాలని భావిస్తున్న చిత్ర యూనిట్ తెలుగులో టీజర్ని విడుదల చేసేందుకు తగిన సందర్భం కోసం ఎదురుచూస్తున్నారు. కాగా, మూడు సంవత్సరాల సుదీర్ఘ విరామం తర్వాత పవర్స్టార్ పవన్కళ్యాన్ వెండితెరపైకి రీఎంట్రీ ఇస్తున్న చిత్రం ‘వకీల్సాబ్’. ఈ సినిమా శుక్రవారం (ఏప్రిల్ 9న) ప్రపంచవ్యాప్తంగా విడుదల కానుంది. అయితే ఈ సినిమాతో పాటు థియేటర్లలో తమ సినిమా తెలుగు టీజర్ని విడుదల చేస్తున్నామని ఆలియా సోషల్మీడియా ద్వారా వెల్లడించింది. ‘‘పవర్స్టార్ పవన్ కళ్యాణ్ గారికి అండ్ టీం అందరికీ ఆల్ ది బెస్ట్ అండ్ ఫ్యాన్స్ బీ రెడీ వచ్చేస్తున్నాడు’’ అంటూ ముద్దులొలికే తెలుగులో ఆలియా ‘వకీల్సాబ్’ యూనిట్కి ఆలియా విషెస్ చెప్పింది. ప్రస్తుతం ఈ వీడియో సోషల్మీడియలో వైరల్గా మారింది. రెండో దశలో దేశవ్యాప్తంగా కరోనా వైరస్ రెట్టింపు వేగంతో వ్యాప్తి చెందుతోంది. ఈ నేపథ్యంలో కొద్ది రోజుల క్రితం ఆలియా కూడా తనకు కరోనా పాజిటివ్గా నిర్ధారణ జరిగిందని సోషల్మీడియా వేదికగా ప్రకటించింది. కరోనా సోకిందని తెలిసిన వెంటనే తాను సెల్ఫ్ ఐసోలేషన్లోకి వెళ్లానని తెలిపింది. డాక్టర్లు ఇచ్చిన సూచనల ప్రకారం మెరుగైన వైద్యం అందుకోవడంతో ఆలియా ప్రస్తుతం కరోనా నుంచి కోలుకుంటుందని ఆమె సన్నిహితులు చెబుతున్నారు.
from Telugu Movie News | Movie News in Telugu | Movie Gossips in Telugu https://ift.tt/3fUpvRN
v
No comments:
Post a Comment