అప్పటికీ.. ఇప్పటికీ పవన్‌కళ్యాణ్‌లో చాలా మార్పులు వచ్చాయి.. అప్పుడు చూసిన కళ్యాణ్ వేరు: ప్రకాశ్ రాజ్

మూడు సంవత్సరాల సుదీర్ఘ విరామం తర్వాత ‘వకీల్‌సాబ్’ సినిమాతో సూపర్ హిట్ అందుకున్నారు పవర్‌స్టార్ . ‘పింక్’ రీమేక్‌గా తెరకెక్కిన ఈ సినిమా బాక్సాఫీస్ వద్ద విజయవంతంగా దూసుకుపోతుంది. అయితే కలెక్షన్ల పరంగానే కాకుండా.. నటన పరంగా కూడా ఈ సినిమాపై ప్రశంసలు కురుస్తున్నాయి. ప్రధాన పాత్రలతో పాటు.. ప్రత్యర్థి లాయర్ పాత్రలో నటించిన విలక్షణ నటుడు అందరి మన్ననలు పొందుతున్నారు. అయితే గతంలో పవన్ కళ్యాణ్, ప్రకాశ్ రాజ్ కాంబినేషన్‌లో వచ్చిన సినిమాలు ప్రేక్షకులను విశేషంగా ఆకట్టుకున్నాయి. ముఖ్యంగా ‘బద్రి’ సినిమాలో వీరిద్దరి నటనకు సెపరేట్ ఫ్యాన్ బేస్ ఉంది. ఈ సినిమాలో వీరిద్దరి మధ్య జరిగే ఇంటెన్స్ సంభాషణలు ఇప్పటికీ అభిమానులు మర్చిపోలేరు. అయితే మరోసారి అదేస్థాయి ఇంటెన్సిటీ వకీల్‌సాబ్ సినిమాలో వీరిద్దరిలో కనిపించింది. వాద ప్రతివాదాలు చేసుకొనే సమయంలో ఇద్దరు పోటాపోటీగా నటించారు. ఇక ప్రకాశ్ రాజ్ తాజాగా ఇచ్చిన ఓ ఇంటర్వ్యూలో మాట్లాడుతూ.. ‘సుస్వాగతం’ సినిమాలో చూసిన పవన్ కళ్యాణ్‌కి తాను ఇప్పుడు చూసిన పవన్ కళ్యాణ్‌కి అసలు పొంతనే లేదని అన్నారు. ‘‘అప్పట్లో పవన్ చాలా మొహమాటంగా ఉండేవారు. చాలా సిగ్గరి. ఎవరితో ఎక్కువగా మాట్లాడేవారు కాదు. కానీ ఇప్పుడు ఆయనలో చాలా మార్పు చూస్తున్న. నటన పరంగా, క్రేజ్ పరంగా, వ్యక్తిత్వం పరంగా ఆయనలో చాలా మార్పు కనిపిస్తుంది. ఆయన ఎంత బోల్డ్‌గా ఉంటారో.. అంతే సింపుల్ వ్యక్తి. ప్రజల పట్ల ఎంతో ప్రేమ ఉంటుంది. ఆయన నటనతో పాటు.. వ్యక్తిత్వం కారణంగానే ఆయన్ని ఈ రోజు ఇంత మంది ప్రేమిస్తున్నారు’’ అని ప్రకాశ్ రాజ్ అన్నారు.

from Telugu Movie News | Movie News in Telugu | Movie Gossips in Telugu https://ift.tt/3tpnKjN
v