విభిన్నమైన కథతో పాటు.. ఓ మంచి సందేశంతో సినిమాలు తెరకెక్కిస్తుంటాడు దర్శకుడు . అయితే మురుగదాస్ సినిమాలతో పాటు అతని సినిమాల టైటిల్స్ కూడా ఆసక్తికరంగా ఉంటాయి. ‘గజినీ, స్టాలిన్, తుపాకీ, స్పైడర్, సర్కార్, దర్బార్’ ఇలా డిఫరెంట్ టైటిల్స్తో సినిమా మరిన్ని అంచనాలను పెంచేస్తాడు మురుగదాస్. అయితే తాజాగా మురుగదాస్ ఓ పాన్ ఇండియా సినిమాని రూపొందించేందుకు రెడీ అయ్యాడు. దీనిపై ఇప్పటికే ప్రకటన కూడా చేశాడు. అయితే ఈ సినిమాకి కూడా ఓ ఆసక్తికరమైన టైటిల్ని అనుకుంటున్నాడట మురుగదాస్. ‘1947’ అనే టైటిల్తో ఈ సినిమాను తెరకెక్కించనున్నారు. ప్రముఖ హిందీ నిర్మాత ఈ సినిమాని నిర్మిస్తున్నారు. అయితే ఈ సినిమాకు సంబంధించిన తారగణం గురించి కానీ, సినిమా బ్యాక్డ్రాప్ గురించి కానీ ఇప్పటివరకూ ఎటువంటి అధికారిక ప్రకటన రాలేదు. అయితే టైటిల్ ‘1947’ అని తెలియగానే.. సినిమా బ్యాక్డ్రాప్ని డీకోడ్ చేయడం ప్రారంభించారు నెటిజన్లు. సాధారణంగా 1947 అనగానే ఎవరికైనా గుర్తుకు వచ్చేది భారతదేశ స్వాతంత్ర్య దినోత్సవమే. దీంతో ఈ సినిమా భారతదేశానికి స్వాతంత్ర్యం వచ్చినప్పుడు జరిగిన పరిణామాలే బ్యాక్డ్రాప్గా తెరకెక్కుతుందని నెటిజన్లు అంటున్నారు. అయితే ఈ పుకార్లకు చెక్ పడాలంటే.. సినిమా టీమ్ నుంచి అధికారిక ప్రకటన రావాల్సిందే.
from Telugu Movie News | Movie News in Telugu | Movie Gossips in Telugu https://ift.tt/3adRNU1
v
No comments:
Post a Comment